Serokkomar: Ewlehiya avê ya Îraqê beşekî neqetandî ji ewlehiya neteweyî û aramiya navçeyê ye

Êraq 08:27 PM - 2026-11-11
Nîzar Amêdî, Serokkomarê Îraqê Nivîsingeha Ragihandinê

Nîzar Amêdî, Serokkomarê Îraqê

 Nîzar Amêdî, Serokkomarê Îraqê Îro di 11ê Mijdara 2026.an de, beşdarî rûniştina destpêkê ya Konferansa Çarçoveya Neteweyên Yekbûyî ya ji bo Guherîna Avhewayê (COP31) bû ku li Antalya ya Turkiyê hate lidarxistin, û di gotarekê de tekez kir ku Îraq ji ber guherîna avhewayê di bin bandorê de ye.

 Di gotara xwe de di dema rûniştina vekirinê ya civînê de, Serokkomar tekez kir ku Îraq rastî bandorên giran yên guherîna avhewayê tê û wekî welatekî pir qels di warê avhewayê de hatiye polênkirin her wiha diyar kir ku şerên li pey hev û têkçûna rewşa siyasî û aborî bûne sedema qelsiyeke berbiçav û zehmetiya lihevhatinê.

 Serokkomar dazanîn ku lezkirina guherîna avhewayê bûye sedema windakirina zêdetirî 50% ji zeviyên çandiniyê û bilindbûneke bêhempa ya rêjeya bîabanbûnê, her wiha bûye sedema koçberkirina bi zorê ya nêzîkî 20 hezar kesan ji malên wan piştî hilweşîna jiyana wan, ji bilî vê yekê ekosîstem têk birine û hiştiye ku çûn ji cihên xwe yên dîrokî di nav zozan û deştan de koç bikin.

Amêdî diyar kir ku Îraq ji kêmbûna zêde ya avê dinale, digel ku texmînên zanistî destnîşan dikin ku kêmasiya avê li Îraqê heta sala 2040.an dê bigihîje 20% ji giştî pêdiviya avê, bi vî rengî ewlehiya xwarinê û aramiya civakî dixe metirsiyê.

 Nizar Emedî, Serokkomarê Îraqê, tekez kir ku ewlehiya avê ya Îraqê beşekî neqetandî ye ji ewlehiya neteweyî û aramiya navçeyê.
Serokkomar daxwaza çalakirina sindoqa ziyanê û hêsankirina gihîştina bi fînanseke kesk bo welatên qels bêyî astengî û sînoran kir, û tekez li ser pabendbûna nexapîner û temam ya Îraqê bi Peymana Avhewayê ya Parîsê û beşdariya çalak di hemû konferansên navneteweyî yên peywendîdar de kir.

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket