سەرۆك بافڵ: كێشەكان پێویستیان بەچارەسەری ئاشتییانەو دیالۆگی بەردەوامە

نوسینگەی راگەیاندنی سەرۆكی یەكێتی

 بافڵ جەلال تاڵەبانی، سەرۆكی یەكێتی و عەباس عێراقچی، وەزیری دەرەوەی ئێران

بافڵ جەلال تاڵەبانی، سەرۆكی یەكێتیی نیشتمانیی كوردستان و عەباس عێراقچی، وەزیری دەرەوەی كۆماری ئیسلامیی ئێران لە تاران كۆبوونەوە.

لە كۆبوونەوەكەدا كە وەفدێكی باڵای یەكێتی ئامادەبوون، گفتوگۆ لەبارەی دوایین گۆڕانكارییە سیاسییەكان و پێشهاتە سەربازییەكانی ناوچەكە كرا. 

بافڵ جەلال تاڵەبانی، جەختی لەوە كردەوە كە كێشەكان پێویستیان بە چارەسەری ئاشتییانە و دیالۆگی بەردەوام هەیە.

بافڵ جەلال تاڵەبانی هەوڵە بەردەوامەكانی یەكێتیی نیشتمانیی كوردستانی بۆ چەسپاندنی ئاشتی و هێوركردنەوەی گرژییەكان دووپاتكردەوە و رایگەیاند، هەرێمی كوردستان رێز لە ئاسایش و سەروەریی وڵاتانی دراوسێ دەگرێت و لەگەڵ گەلی ئێراندا مێژوویەكی هاوبەش و دێرین پێكەوە دەمان بەستێتەوە.

لای خۆیەوە، وەزیری دەرەوەی كۆماری ئیسلامیی ئێران پێزانینی خۆی دەربڕی بۆ رۆڵی بافڵ جەلال تاڵەبانی و یەكێتی لە هەوڵەكانیاندا بۆ پاراستنی سەقامگیریی هەرێمی كوردستان، عیراق و ناوچەكە.

PUKMEDIA