riklam

عیماد ئەحمەد: دیدارەكانی سەرۆك بافڵ و وەفدی باڵای یەكێتی لە تاران ئەرێنی بوون

کوردستان 07:23 PM - 2026-09-16
کۆبونەوەی سەرۆك بافڵ و وەفدی باڵای یەكێتی لەگەڵ مەسعود پزیشکیان، سەرۆککۆماری ئیسلامیی ئێران راگەیاندنی سەرۆکی یەکێتی

کۆبونەوەی سەرۆك بافڵ و وەفدی باڵای یەكێتی لەگەڵ مەسعود پزیشکیان، سەرۆککۆماری ئیسلامیی ئێران

لەبارەی كۆبوونەوە گرنگ و پڕبایەخەكانی سەرۆك بافڵ جەلال تاڵەبانی و وەفدی باڵای یەكێتیی نیشتمانیی كوردستان لە تاران عیماد ئەحمەد ئەندامی مەكتەبی سیاسی رایگەیاند، كۆماری ئیسلامی ئێران لەسەر ئاستی باڵا پێشوازی گەورەیان لە سەرۆك بافڵ و وەفدی یەكێتی كرد بەشێوەیەك لە هەموو كۆبوونەوەكاندا بەڕێز و پێزانینەوە لەرۆڵی سەرۆك بافڵ جەلال تاڵەبانی و یەكێتییان ڕووانی لە هاوكێشە سیاسی و سەربازییەكان و هەوڵەكانی بۆ كەمكردنەوەی گرژییەكان.

راشیگەیاند: لە هەموو كۆبوونەوەكانماندا لەسەر هەر سێ ئاستی سیاسی و ئەمنی و ئابووری گفتوگۆی چڕ و بونیادنەرانەمان كرد بەشێوەیەك لە خزمەتی هەرێم و عیراق و كۆماری ئیسلامی ئێران و ناوچەكەش بێت .

عیماد ئەحمەد ئاشكراشیكرد، ئەوەی بۆ یەكێتی گرنگە پەیڕەوكردنی سیاسیەتی شەراكەت و هاوسەنگیییە لەگەڵ هەموولایەك، چونكە تەئكیدمان كردووە سەروەری وڵاتانی دراوسێ بۆ ئێمە رێزلێگراو گرنگە و قەت نەبووینە و نابینە بەشێك لە كێشەو ئاڵۆزییەكان، بەڵكو كاردەكەین بۆ چارەسەركردنی ئاشتییانەی كێشەكان و لەو ڕووە و سەرۆك بافڵ بە ڕاشكاوی ستراتیژی یەكێتی دووپاتكردەوە كە ئەمە لەسەر ئاستی باڵای كۆماری ئیسلامی ئێران پێشوازی گەرمی لێكراوە .

عیماد ئەحمەد رونیشی کردەوە کە كۆبوونەوەكانمان لە تاران بەردەوام دەبێت و ئەوەی لە هەموو كۆبوونەوەكانیشدا بینیمان بەڕێزەوە مێژووی تێكۆشان و رۆڵ سەرۆك مام جەلالیان خستەوە بەرباس و ستایشی پێگەی سەرۆك بافڵ و یەكێتیان كرد لە بەرامبەر رۆڵمان لە رووداوەكان و ئاڵۆزییەكانی ناوچەكەدا، كە ئەمەش سیاسەتە دروستەكەیە كە ئامانجامەنە پێكەوە هەموومان كاربكەین بۆ خزمەتی وڵات و گەل و نیشتمانەكەمان دوور لە توندوتیژی .

عیماد ئەحمەد ئەوەشی خستەڕوو، كۆماری ئیسلامی ئێران بۆ هەرێم و عیراق پێگەیەكی گرنگی هەیە و سەرۆك بافڵ و یەكێتیش لەسەر بنەمای ئەوە پەیوەندییە مێژوویی و هاوبەشەی هەیە لەنێوانمان روئیای یەكێتی لەنزیكەوە خستەڕوو.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket