سەرۆككۆمار بۆ نەجلە عیماد: تۆ هێمای هیواو خۆڕاگریی و داهێنانیت

راگەیاندنی سەرۆك كۆماری عیراق

نزار ئامێدی، سەرۆك كۆماری عیراق و كچە پاڵەوان نەجلە عیماد

نزار ئامێدی، سەرۆك كۆماری عیراق، پەیامێكی پیرۆزبایی ئاڕاستەی كچە پاڵەوان، نەجلە عیماد دەكات و رایدەگەیەنێت: ئەم دەستكەوتە پێگەیەكی دیكە بۆ وەرزشی عیراق زیاد دەكات و تۆ وەك نموونەیەكی درەوشاوە بۆ ژنانی عیراقی و هێمای هیوا و خۆڕاگری و داهێنان دەمێنیتەوە.

دەقی پەیامەكە:

كچە پاڵەوانەكەمان نەجلە عیماد.

بە شانازی و سەرسامییەكی بێئەندازە پیرۆزبایی دڵسۆزانەت لێدەكەم بە بۆنەی بەدەستهێنانی پلەی یەكەم لە پاڵەوانێتی تۆپی سەر مێزی پارالۆمپیك كە لە ئیسپانیا بەڕێوەچوو. ئەم دەستكەوتە دڵخۆشی بۆ  عیراقییەكان دەهێنێت و پێگەیەكی دیكە بۆ وەرزشی عیراق زیاد دەكات.

پیرۆزە بۆ ئەم دەستكەوتە سەرنجڕاكێشە، تۆ وەك نموونەیەكی درەوشاوە بۆ ژنانی عیراقی و هێمای هیوا و خۆڕاگری و داهێنان دەمێنیتەوە.

لە گەڵ ئەوپەڕی ڕێز و پێزانین.

PUKMEDIA