هێرشەکانی سەر یەمەن بەردەوامە و لە سعودیەش هۆشداری بەهاووڵاتیان دەدرێت

ina

وێنەیەکى هێرشەکان

هێرشی ئاسمانی بۆ سەر چەند ناوچەیەک لە یەمەن ئەنجامدرا و لەبەر بوونى ئەگەرى مەترسى لە چەند ناوچەیەکى سعودیەش ئاگادارکردنەوەی پێشوەختە راگەیەندرا.

ئەمڕۆ شەممە 24ى10ى2026 میدیاکانی سەر بە بزووتنەوەی ئەنساروڵای حووسییەکان، رایانگەیاند: هێرشی ئاسمانی کراوەتە سەر ناوچەی جیاجیا لە یەمەن، کە ناوچەکانی هەردوو قەزای کتاف و بەقع و سحار لە پارێزگای سەعدە، جگە لە قەزای مەخا لە پارێزگای تەعزی گرتووەتەوە.

دەزگاکانی راگەیاندن ئاماژەیان بەوەش کرد: هێرشە ئاسمانییەکان دوو هێرشیان بۆ سەر قەزای کتاف و بەقع و سێ هێرشیان بۆ سەر قەزای مەخا و سێ هێرشیان بۆ سەر رۆژهەڵاتی سەعدە و سێ هێرشی دیکەیان بۆ سەر قەزای سحار لەخۆگرتبوو.

لە سعوودیەش، بەرگریی شارستانى ئاگادارکردنەوەی پێشوەختەی لە ناوچەکانی ریاز و نەجران و وادی دەواسیر راگەیاند، بۆ ئاگادارکردنەوە لە مەترسییەکی ئەگەری.

PUKMEDIA