داهاتی نۆ مانگی رابردووی نەوتی عیراق 37 ملیار دۆلاری تێپەڕاندووە

وەزارەتی نەوت

یەکێک لە کێلگەکانی نەوتی عیراق

لە ماوەی نۆ مانگی رابردوودا عیراق 533 ملیۆن بەرمیل نەوتی هەناردەكردووە و روانگەی ئیكۆی عیراقیش ئاشکرای دەکات، داهاتەكەی زیاتر لە 37 ملیار دۆلارە.

روانگەی ئیكۆی عیراق لە راپۆرتێكدا ئاماژەی بەوەكردووە، بەپێی داتاكانی كۆمپانیانی سۆمۆ كە رادەستی ئەنجومەنی نوێنەرانی كردووە لە نۆ مانگی یەكەمی ئەمساڵدا 533 ملیۆن و 459 هەزار و 327 بەرمیل نەوتی خاو هەناردەكراوە.

دەشڵێت، داهاتی ئەو بڕە نەوتە 37 ملیار و 388 ملیۆن و 384 هەزار و 828 دۆلار بووە و زیاتر لە 33 ملیار دۆلار خراوەتەسەر هەژماری بانكی ناوەندی عیراق.

راشیگەیاند، نەوتی هەرێمی كوردستان لە نۆ مانگی ئەمساڵدا 25 ملیۆن و 95 هەزار و 454 بەرمیل لە رێگەی بەندەری جەیهانەوە هەناردەكراوە بە تێكڕایی رۆژانە دەكاتە 93 هەزار بەرمیل.

ئاماژەی بەوەشكردووە، لەرێگەی باکورەوە 50 ملیۆن و 757 هەزار و 644 بەرمیلی بۆ توركیا هەناردەكراوە.

PUKMEDIA