سبەینێ دابەشكردنی مووچەی مانگی ئەیلول دەستپێدەکات

PUKMEDIA

دراوی عیراقی

سبەینێ یەکشەممە 11ى10ى2026 دابەشکردنى مووچەى مانگى ئەیلول لە هەرێمى کوردستان دەستپێدەکات و بەگوێرەى خشتەى بڵاوکراوەى دابەشکردنى مووچە خانەنشینانى شارستانى و پێشمەرگە مووچە وەردەگرن.

ئەمەش لەکاتێکدایە، رۆژى 8ى10ى2026 وەزارەتی دارایی و ئابوریى حكومەتی هەرێم، لیستی مووچەی مانگی ئەیلوولی فەرمانبەران و مووچەخۆرانی هەرێمی بڵاوكردەوە و بەگوێرەی خشتەكەش بە چوار رۆژ مووچەی سەرجەم مووچەخۆران دابەشدەكرێت، بەجۆرێک لە یەک شەممە 11ى10ى2026 دەست بەدابەشكردنی مووچەکە دەکرێت و رۆژی چوار شەممە 14ى10ى2026 كۆتایی بەدابەشكردنی دێت.

ئەمەش لەكاتێكدایە، رۆژى پێنج شەممە 8ى10ى2026 وەزارەتی دارایی و ئابووری حکومەتی هەرێم رایگەیاند: ئەمڕۆ بڕی (835.553.000.000 ) هەشت سەد و سی و پێنج ملیار و پێنج سەد و پەنجاو و سێ ملیۆن دینار وەک تەمویلی مووچەی مانگی ئەیلولى فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عیراق.


PUKMEDIA