بانکی ناوەندی: حەواڵەی پێش بەروارى 7ی 10 بە نرخی پێشووە

راگەیاندنى بانکى ناوەندى عیراق

بیناى بانکى ناوەندى عیراق

بانکی ناوەندی عیراق رایگەیاند: حەواڵە بازرگانییەکانی پێش رۆژى 7ی 10 بە نرخی پێشووی دۆلار هەژماردەکرێت و بانکەکانیش لە وەرگرتنی پارەی زیادە ئاگادار دەکرێنەوە.

بانکی ناوەندی عیراق، داوای لەو کۆمپانیا و بازرگانانە کرد کە گواستنەوە پارەیان تایبەت بە دابینکردنی هاوردەکردن پێش رۆژی 07/10/2026 شایستەی جێبەجێکردن بووە، سەردانی بانکی خۆیان بکەن و هۆشداری دەدات لە وەرگرتنی هەر بڕە پارەیەکی زیادە لەلایەن بانکەکانەوە بە بیانووی جیاوازیی نرخی دراو، چونکە دۆلار بە بەهای پێشوو بۆ مامەڵەكانی پێش رۆژى 7/10/2026 ی بازرگانان هەژمار كراوە.

ئەمڕۆ شەممە 10ى10ى2026 لە راگەیەندراوێکدا بانکی ناوەندی عیراق، داوای لەو کۆمپانیا و بازرگانانە کرد کە گواستنەوە پارەیان تایبەت بە دابینکردنی هاوردەکردن پێش رۆژی 07/10/2026 شایستەی جێبەجێکردن بووە، سەردانی بانکی خۆیان بکەن و ئاماژەى بە ئەوەدا: دۆلار بە بەهای پێشوو بۆ مامەڵەكانی پێش 7/10/2026 ی بازرگانان هەژمار كراوە.

جەختى کردەوە، بەدواداچوون بۆ پرۆسە بانکییەکانی پێش و پاش گۆڕانکارییەکانی نرخی دراو دەکەن بۆ دڵنیابوونەوە لە پاراستنی مافی بازرگانان و هەژماری بانکەکانیان و نابێت هیچ جیاوازییەکی نرخی دراو بخرێتە ئەستۆی بازرگانان بۆ ئەو حەواڵانەی بە نرخی پێشوو کڕدراون.

ئەوەش دەخاتەڕوو: لە حاڵەتی دواکەوتنی جێبەجێکردنی حەواڵەکان یان داواکردنی بڕە پارەی زیادە، بازرگانان دەتوانن لە ڕێگەی پلاتفۆرمی سکاڵاکانی سەر بە بانکی ناوەندی عیراقی) یاخود ئیمەیڵێک بۆ ناونیشانی ([email protected]) بنێردرێت بۆ ئەوەی لەگەڵ بانکی پەیوەندیداردا بەدواداچوونی بۆ بکرێت.

ئاماژەى بە ئەوەشدا: بانکی ناوەندی بە هەماهەنگی لەگەڵ بانکییەکان و کۆمپانیاکانی پارەدانی ئەلیکترۆنی کار دەکات بۆ دەرکردنی کارتێكی تایبەت بە بازرگانی دەرەکی بۆ بازرگانە بچووکەکان، بە مەبەستی ئاسانکاری بۆ دابینکردنی دارایی هاوردەکردنیان، بەپێی ئەو میکانیزم و مەرجانەی کە بانکی ناوەندی دیارییان دەکات.


PUKMEDIA