وەفدێکی باڵای مەکتەبی راگەیاندن و هۆشیاری میدیاکارێکی دێرین بەسەردەکاتەوە

مەکتەبی راگەیاندن و هۆشیاری

وەفدێکی مەکتەبی راگەیاندن و هۆشیاری مامۆستا عەبدولمەجید زەنگەنە-یان بەسەر کردەوە

لە درێژەی سەردانەکانیدا بۆ لای کەسایەتی و رووناکبیران و میدیاکارانی دێرین و ئەوانەی سەردەمانێک خزمەتی گەلەکەمان و یەکێتیی نیشتمانیی کوردستان یان کردووە، پێشنیوەڕۆی ئەمڕۆ وەفدێکی باڵای مەکتەبی راگەیاندن و هۆشیاری بە سەرپەرشتیی هەڤاڵ لەتیف نێروەیی ئەندامی سەرکردایەتی و لێپرسراوی بۆردی راگەیاندن سەردانی ماڵی میدیاکاری دێرینی سەردەمی شاخ و شۆڕش و قۆناغی دوای راپەڕین و پەرلەمانتاری پێشووتری یەکێتیی نیشتمانیی کوردستان لە ئەنجوومەنی نوێنەرانی عیراق مامۆستا عەبدولمەجید زەنگەنە-یان لە شاری سلێمانیدا کرد.

لە دیدارێکدا چەپکە گوڵی ڕێز و وەفای مەکتەب و یەکێتیی نیشتمانیی کوردستان بەخشرایە بەڕێزی و لەگەڵیدا یادگارییەکانی سەردەمی کارکردنی و هەندێک لە رووداو و گۆڕانکارییەکانی قۆناغی نوێی کۆمەڵگەی کوردی لە باری سیاسی و کۆمەڵایەتییەوە باس کران.

مامۆستا عەبدولمەجید زەنگەنە زۆر خۆشحاڵ بوو بە دیدارەکەی لەگەڵ وەفدی مەکتەبی راگەیاندن و هۆشیاری و سوپاسی هاتن و سەردانەکەی کردن و هیوای خواست کە بەسەرکردنەوەی هەڤاڵ و کەسایەتییە دێرینەکان بەردەوام بێت و لە نزیکەوە پەیوەندییان لەگەڵدا گرێ بدرێتەوە، وەفدی مەکتەبیش ستایشی خزمەتی بەڕێزی و سوپاسی پێشوازییە گەرمەکەیان کرد و هیوای لەشساغی و تەمەندرێژییان بۆ خواست.

PUKMEDIA