riklam

سەرۆک بافڵ: یەکێتى ژنان بەشێکی دانەبڕاو بووە لە خەباتی رەوای گەلەکەمان

کوردستان 11:14 AM - 2026-11-04
سەرۆک بافڵ جەلال تاڵەبانی PUKMEDIA

سەرۆک بافڵ جەلال تاڵەبانی

سەرۆک بافڵ

بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی 37ـەمین ساڵیادی دامەزراندنی یەکێتیی ژنانی کوردستان پەیامى  پیرۆزباییان ئاڕاستە دەکات.

دەقى پەیامەکە:

بەڕێزان سەرپەرشتیار و بەڕێوەبەرانی یەکێتیی ژنانی کوردستان

بەبۆنەی 37ـەمین ساڵیادی دامەزراندنی رێکخراوەکەتانەوە، لە دڵەوە گەرمترین پیرۆزباییتان لێ دەکەین و هیوای سەرکەوتنی بەردەوامتان بۆ دەخوازین.

مێژووی پڕ لە سەروەری و خزمەتەکانی یەکێتیی ژنانی کوردستان، سەلمێنەری ئەو راستییەن کە رێکخراوەکەتان هەمیشە سەنگەرێکی پتەوی داکۆکیکردن بووە لە مافەکانی ژنان و بەشێکی دانەبڕاو بووە لە خەباتی رەوای گەلەکەمان و مێژووی درەوشاوەی یەکێتی. دەستخۆشیتان لێ دەکەین بۆ ئەو هەنگاوە نوێگەری و بەرنامە پێشکەوتنخوازەی گرتووتانەتە بەر بۆ درێژەدان بە خزمەتەکانتان و چاوەڕوانین ئەو ستراتیجە نوێیەی داتانڕشتووە ببێتە وەرچەرخانێکی گرنگ بۆ پشتگیریکردن لە سەرخستنی داخوازییە رەواکانی ژنان لە وڵاتەکەماندا.

ئێمە لە یەکێتیی نیشتمانیی کوردستان، لە باوەڕی نەگۆڕمانەوە وەک هەمیشە داکۆکیکاری راستەقینەی بەدیهێنانی مافەکانتان دەبین، لەگەڵتانین بۆ فەراهەمکردنی ژینگەیەکی شایستە تاوەکو ژنانی ئازا و ئازادی کورد لە کایە سیاسی، کارگێڕی و کۆمەڵایەتییەکاندا خاوەن بڕیاری راستەقینە بن و دەرفەتی یەکسانیان بۆ بڕەخسێندرێت لە بەڕێوەبردن و سەرخستنی کۆمەڵگەکەماندا.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket