riklam

هاوپەیمانیی دیموکراتی کۆمەڵایەتی: پشتگیری لە هەڵوێستەکانی یەکێتی دەکەین

کوردستان 02:54 PM - 2026-11-06
لۆگۆی یەکێتی و هاوپەیمانیی دیموکراتی کۆمەڵایەتی PUKMEDIA

لۆگۆی یەکێتی و هاوپەیمانیی دیموکراتی کۆمەڵایەتی

هاوپەیمانیی دیموکراتی کۆمەڵایەتی لە جیهانی عەرەبیدا پشتگیریی خۆی بۆ هەڵوێستی یەکێتیی نیشتمانیی کوردستان و سەرۆک بافڵ دەردەبڕێت سەبارەت بە کشانەوە لە حکومەتی هەرێمی کوردستان و دووپاتیشی دەکاتەوە، کە پێویستە رێز لە شەراکەتی راستەقینە بگیرێت.

هاوپەیمانییەکە لە راگەیەندراوێکیدا، پشتیوانیی خۆی بۆ هەڵوێستی ئەنجومەنی سەرکردایەتیی یەکێتیی نیشتمانیی کوردستان و تەواوی دیدو بۆچوونیان دەربڕی، کە یەکێتی دەیەوێت پرۆسەی دیموکراسی بەهێز بێت و پرۆسەی دەنگدانیش بە پاکی بەڕێوەبچێت، کە بەهۆیەوە پرۆسەی سیاسی گەشەی زیاتر دەدات و لە ئاست خواست و داواکارییەکانی کۆمەڵانی خەڵکی کوردستاندا دەبێت.

هەر لە راگەیەندراوەکەیدا، هاوپەیمانییەکە جەخت لەسەر گرنگیی ڕاستکردنەوەی ڕێڕەوی حوکمڕانی و پێکهێنانی حکومەتێکی چاکسازیی نیشتمانی دەکاتەوە، کە دادپەروەریی کۆمەڵایەتی و باشترکردنی گوزەرانی هاووڵاتیان لەبەرچاو بگرێت، بەتایبەت کەمدەرامەتان و چین و توێژەکانی کرێکار و زەحمەتکێش بخاتە سەرووی کارەکانییەوە، هەروەها کاربکات بۆ پەرەپێدانی پەیوەندییەکی بنیادنەرانە لەنێوان هەرێم و حکومەتی فیدراڵ لە بەغداد، بە شێوەیەک کە یەکێتی و سەقامگیریی عیراق بەهێز بکات و ئەزموونە دیموکراتییەکەی بپارێزێت.

 لە کۆتایشدا، هاوپەیمانیی دیموکراتی کۆمەڵایەتی لە جیهانی عەرەبیدا ،پشتگیری خۆی بۆ یەکێتیی نیشتمانیی کوردستان دووپاتدەکاتەوە، لەسەر ئەو بنەمایەی کە چەسپاندنی دیموکراسی پێویستی بە ڕێزگرتن لە فرەیی و ئیرادەی گەل و بەهێزکردنی شەراکەتی نیشتمانی هەیە، داواشدەکات: بەرژەوەندی گشتی بخرێتە پێش بەرژەوەندی حزبی تەسکەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket