riklam

ڕفعەت عەبدوڵا: سلێمانی بنەمای کۆکردنەوەی جیاوازی و قبوڵکردنی فرەییەکانە

کوردستان 09:56 AM - 2026-11-14
رفعەت عەبدوڵڵا جێگری سەرۆکی یەکێتیی نیشتمانیی کوردستان وسینگەى راگەیاندنى ڕفعەت عەبدوڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

رەفعەت عەبدوڵڵا جێگری سەرۆكی یەكێتی

ڕفعەت عەبدوڵا جێگری سەرۆکی یەکێتیی نیشتمانیی کوردستان لەیادی 242 ساڵەی بونیاتنانی شاری سلێمانی پەیامێکى پیرۆزبایى بڵاودەکاتەوە.

دەقى پەیامەکە:

لەیادی ٢٤٢ ساڵەی بونیاتنانی شاری سلێمانی خۆشەویستدا، گەرمترین پیرۆزبایی لە ئەهلی جوامێر و ئازیزی سلێمانی و هەموو کورد و کوردستانیەک دەکەم.

سلێمانی لە سەرەتای دروستبونیەوە بنەمای کۆکردنەوەی جیاوازی و قبوڵکردنی فرەییەکان بووە، هەربۆیە شۆرەتی مه‌ڵبه‌ندی زیندووی ئازادیخوازی و پایته‌ختی ڕۆشنبیری كوردستان بەباڵای بەرزیدا بڕاوە.

لەهەڵمەت و قوربانیدا، خوێندنگەی تێکۆشان و سەنگەری بەرەنگاری بووە، لەتۆماری مێژوودا پێشەنگی خەباتی کوردایەتی پێشکەوتنخواز و خۆری درەوشاوەی نەتەوەی کورد و ناوەندی نوێبوونەوەی بیری نەتەوایەتی و نیشتمانییە.

بەشکۆوە یادی شێرە ژن و پیاوە جوامێرەکانی، تێکۆشەر و هەڵکەوتووەکانی، خەمخۆری و میوان دۆستی سلێمانی دەکەینەوە و یادیان بەخێر، دروود و ڕێز بۆ ئەو خزمەتەی بە سلێمانییان کرد و سلێمانیش هەمیشە بە نیشتمانی دەبەخشێت، پێزانین و پشتیوانی خۆمان بۆ شارە حەیاتەکە دوبارە دەکەینەوە و درێژە پێدەری گەشە و ڕەوتی داهێنان و شانازی دڵە زیندوەکەی کوردستانین.

یادی سلێمانی پیرۆز و کوردستان ئاوەدان بێت

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket