riklam

راوێژکارێکی سەرۆک بافڵ: چاوەڕوانی هەنگاوی جیاوازبن

کوردستان 01:50 PM - 2026-11-15
بێستون فایەق PUKMEDIA

بێستون فایەق

راوێژکارێکی سەرۆک بافڵ دەڵێت: دانیشتنەکەی پەرلەمانی کوردستان بە هێزی هێز و هێزی پارە ئەنجامدرا، لەکاتێکدا یەکێتی دەیتوانی بەهەمان نەفەسی باڵە کەمینەکەی ناو پارتی ئەو دانیشتنە رابگرێت.

بێستون فایەق راوێژکاری بافڵ جەلال تاڵەبانی سەرۆکی یەکێتیی نیشتمانیی کوردستان لە کۆنگرەیەکی رۆژنامەوانیدا رایگەیاند: دانیشتنەکەی رۆژی 4ی نۆڤەمبەری پەرلەمانی کوردستان هەرێمی کوردستانی بە ئاڕاستەی پەرتەوازەیی  و لێکترازان و پەکخستنی یەکجارەکی پەرلەمان و کۆتایی هێنان بە حکومەت برد، چونکە بەهێزی هێز و هێزی پارە ئەو دانیشتنە ئەنجامدرا.

وتیشی: دانیشتنەکەی پەرلەمان ئیرادەی پەرلەمانتاران نەبوو، بەڵکوو پارە بڕیاریدا کەئەو دانیشتنە ئەنجام بدرێت، لەکاتێکدا ئەگەر یەکێتیی نیشتمانیی کوردستان بیویستایە بەو سیاسەتەی باڵێکی کەمینەی پارتی کاربکات دەیتوانی رێگری لە دانیشتنی پەرلەمان بکات.

ئاماژەی بەوەشکرد: کاتێک دەتوانین دانیشتنی پەرلەمان وەک دانیشتنێکی ئاسایی ببینین کە بنەماکانی دیموکراسی و رێزگرتن لەدەنگی خەڵک و ئیرادەی پەرلەمانی تێدا بچەسپێت، یان کۆدەنگی سیاسی گشتی لەسەر دروستببێت.

لەکۆتایی کۆنگرەکەشدا راوێژکارەکەی سەرۆک بافڵ دەڵێت: ئەو لایەنەی ئەو هەڵە گەورەیەی کرد، دەبێت چاوەڕوانی هەنگاوی جیاوازتر بێت لە رابردوو، سەرۆک بافڵ ئەو وتانەی پێشکەشی خەڵکی هەرێمی کوردستانی کرد جێبەجێی دەکات، هەرچەندە هەوڵی نێوەندگیری ناوخۆیی و هەرێمی و نێودەوڵەتی هەیە بۆ هێورکردنەوەی بارودۆخەکە، بەڵام هیچی لە بارودۆخەکە نەگۆڕیوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket