riklam

نێروەیی: جیاوازیی گەورە لەنێوان دابەشكردنی هەرێم و دابەشكردنی دەسەڵاتدا هەیە

ی ن ک 01:03 PM - 2026-11-18
لەتیف نێروەیی، لێپرسراوی بۆردی راگەیاندنی یەكێتی PUKMEDIA

لەتیف نێروەیی، لێپرسراوی بۆردی راگەیاندنی یەكێتی

یەکێتیی نیشتمانیی کوردستان

لەوەڵامی پرسیارێكی PUKMEDIA دا، لێپرسراوی بۆردی راگەیاندنی یەكێتی رایدەگەیەنێت: ئەوانەی پەرلەمانیان دابەش كردووە و دۆخێكی ناهەمواریان دروست كردووە، ئێستا بەو هەنگاوە دەڵێن "دەستكەوتی نەتەوەیی"، لە كاتێكدا داواكاریی سەرەكیی لایەنەكانی دیكە تەنها دابەشكردنی دەسەڵاتە لەنێوان دەڤەرەكاندا و ئەمەش جیاوازە لە دابەشكردنی هەرێم.

لەتیف نێروەیی، لێپرسراوی بۆردی راگەیاندنی یەكێتیی نیشتمانیی كوردستان، لەوەڵامی پرسیارێكی PUKMEDIA دا رایگەیاند: ئەوانەی پەرلەمانیان دابەشكردووە و دۆخێكی ناهەمواریان دروستكردووە و هەر خۆیان بەو دابەشكردنە دەڵێن دەستكەوتێكی نەتەوەیی و نیشتمانی و گلەیی لەلایەنەكانی دیكە دەكەن و بە لەتكردنی هەرێمی كوردستان تۆمەتباردەكەن و دەڵێن "ئەو هەوڵە خیانەتێكی نەتەوەیی و نیشتمانییە"، ئەمە لەكاتێكدایە كە هیچ لایەنێك داوای دابەشكردنی هەرێمی نەكردووە، بەڵكو داوای دابەشكردنی دەسەڵاتی هەرێم لەنێوان دەڤەرەكاندا دەكەن و دابەشكردنی دەسەڵات جیاوازە لە دابەشكردنی هەرێم .

ئاماژەی بەوەشكرد: ئەم هەڵوێستەی ئەوان یەكێكە لە سەیروسەمەرەكانی جیهانی سیاسەت، كە لەتكردنی پەرلەمان دەستكەوتێكی نەتەوەیی و نیشتمانی بێت، بەڵام داواكردنی دابەشكردنی دەسەڵات و نەهێشتنی جیاكاری لەنێوان پارێزگاكاندا خیانەتێكی نەتەوەیی و نیشتمانی بێت !!!!!.

لێپرسراوی بۆردی راگەیاندن ئەوەشی خستەڕوو: لەتكردنی پەرلەمان بەكردەیی بەمانای لەتكردنی ئیرادەی گەلی كوردستان دێت و لەدوای ئەوەوە هەرشتێك كەلەم هەرێمە روودەدات لەئەنجامی كارلێك و كاریگەریی و دەرهاویشتەكانی ئەو بڕیارە هەڵەیەوە سەرچاوەی گرتووەو بەهۆی هەمان بڕیارەوە سەرجەم رەهەندە جیاوازەكانی هەرێم بەگرێ كەوتوون و مەحاڵە بەتەخوینكردنی لایەنی بەرامبەرو بە هەوڵی چەواشەكاری گرێ ئاڵوزكراوەكان بكرێنەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket