riklam

لوقمان وەردی: یەکێتی تائێستا زۆر دانی بە خۆیدا گرتووە

کوردستان 11:34 PM - 2026-11-19
لوقمان وەردی PUKMEDIA

لوقمان وەردی

لوقمان وەردی رایدەگەیەنێت، یەکێتی سەرباری تێبینی لەسەر حوکمڕانی بەڵام دانی بەخۆیدا گرت، رەخنەش لە کارەکانی حوکمڕانی دەگرێت و دەڵێت: پێویستە ئەم حوکمڕانییە چەوتە راست بکرێتەوە و حکومەتێکی خزمەتگوزارمان هەبێت کە دەسەڵاتەکانی شۆڕ بکاتەوە.

لوقمان وەردی ، ئاماژەی بەوەشکرد: ئێمە لە یەکێتیی نیشتمانیی کوردستان لەگەڵ حکومەتێکداین، کە بەبێ جیاوازی خزمەتی هەموو ناوچەکان بکات، دەسەڵاتی کارگێڕی و دارایی دابەش بکرێت و شۆڕ بکرێتەوە.

وتیشی: ئێمە لەگەڵ راستکردنەوەی حوکمڕانین لە رەگ و ریشەوە، بەشێوەیەک ئەم رێڕەوە چەوتە راستبکرێتەوە، بۆیە پێویستە ئەوان پێش هەموو کەسێک بە مامەڵەی خۆیاندا بچنەوە، بۆ ئەوەی پێکەوە ئۆباڵی لێکەوتەکانی هەرێم هەڵبگرن.

 لە بارەی هەڵوێستی یەکێتی لەباری حوکمڕانی و ساڵانی رابردووی حکومەتەوە، لوقمان وەردی ، رایگەیاند:یەکێتیی نیشتمانیی کوردستان لە ساڵانی رابردوودا، زۆر دانی بەخۆیدا گرتووە، لەگەڵ ئەوەی تێبینی و سەرنجی زۆری هەبووە،چونکە نادادپەروەری زۆر هەبووە و ناوچەکان بە یەکسانی خزمەت نەکراون، یەکێتی هەر دانی بەخۆیدا گرت  تا گەیشتین بە رووداوەکەی 4ی ئەم مانگە کە روویدا، کە تێکدانی یەکڕیزی ماڵی کورد بوو.

لە کۆتایشدا، لوقمان وەردی ، لەسەر رووداوەکەی 4ی11، دووپاتی کردەوە، ئەم رووداوە، خزمەت بە هاووڵاتیانی هەرێم و ئەزمونەکەی ناکات، بۆیە دەبێت کردار و گوفتاریان راست بکەنەوە، دەبێت ئەم رێرەوە چەوتە راست بکرێتەوە، چونکە گۆڕانکارییەکانی ناوچەکە وادەخوازێت کە ئێمە یەکگرتوو بین.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket