Qubad Talebanî: Em naxwazin Herêma Kurdistanê bibe beşek ji şer.

Nivîsgeha rojnamevanî ê QubadTalebanî

Qubad Talebanî li Yûnanê

Li kêleka Dîdara Aborî ya Neteweyî ya Dêlfî, Qubad Talebanî Cîgirê Serokwezîrê Herêma Kurdistanê bi Cîgirê Serokwezîrê Ynanîstanê Kostis Hatzidakis re civiya.

Di civînê de rewşa herêmê û bandorên potansiyel ên şerekî Amerîkî-Îsraîlî bi Îranê re hatin gotûbêjkirin. Qubad Talebanî tekez kir ku "Em naxwazin Herêma Kurdistanê û Îraq bibin beşek ji vî şerî, û dema ku em bêalîbûna xwe diparêzin, em ji bo çareserkirina pirsgirêkan dixebitin.

Di çarçoveyek têkildar de, her du aliyan girîngiya Dîdara Aborî ya Navneteweyî ya Dêlfî gotûbêj kirin û li ser bandora wê ya girîng li ser pêşxistina têkiliyên di navbera Yûnanîstan û Herêma Kurdistanê de li hev kirin.

Her wiha wan egera lidarxistina gera duyemîn ya dîdrê li Silêmaniyê lêkolîn kirin. Qubad Talebanî vexwendinek fermî pêşkêşî Cîgirê Serokwezîrê Yûnanîstanê kir ku beşdarî dîdarê bibe.

Herdu aliyan tekez kirin ku pêwîstiya hevkariyê heye da ku têkiliyên di navbera Herêma Kurdistanê û Yûnanîstanê de di warên bazirganî, geştiyariyê, tenduristî û çandiniyê de xurttir bibin. Li ser daxwaza Qubad Talebanî, Cîgirê Serokwezîrê Yûnanîstanê soz da ku li ser vekirina geştên rasterast ên di navbera Silêmanî û Atînayê de bixebite, û ew wekî gaveke girîng ji bo xurtkirina têkiliyên bazirganî yên di navbera her du welatan de bi nav kir.


PUKMEDIA