Serok Bafil bo Komeleya Xwendekaran:Bê cudahî bibin dengê rastîn yê xwendekaran

PUKMEDIA

Serok Bafil

Serok Bafil Celal Talebanî di salvegera 50-emîn ya damezrandina Komeleya Xwendekaran de ragihand ku, îro em rojek dîrokî û xalek girîng ya werçerxê di dîroka Tevgera Rizgariya Gelê Kurdistanê de bi bîr tînin,ez ji we dixwazim, wekî her carê, hûn bêyî cudahî bibin dengê rastîn yê xwendekaran û rêya nifşên pêşerojê ronî bikin.

Naveroka Peyamê.

Xwendekarên hêja

Meşxelgirên rêya perwerde, zanist û welatparêziyê 

Îro em rojek dîrokî û xalek girîng ya werçerxê di dîroka tevgera rizgariya gelê Kurdistanê û tevgera xwendekar û ciwanan de bi bîr tînin, salvegera damezrandina Komeleya Xwendekarên Kurdistanê ne tenê bîranîna rêxistineke pîşeyî ye, lê di heman demê de rêzgirtinek ji bo navenda mezin ya ku bi dehan rêber lê kom bûne,rewşenbîr û têkoşerên perwerde kiriye û her tim di parastina mafên rewa yên gelê me, xwendekar û ciwanan de di rêza yekem de bûye.

Komeleya Xwendekaran di qonaxeke dijwar ya têkoşîna çekdarî ya li çiyayan de, bi armanca yekkirina dengê xwendekaran û veguherandina enerjiya ciwanan bo hêzek bi bandor ji bo azadî û demokrasiyê, hate damezrandin, ji ber vê yekê xwendekar ne tenê di polan de man, lê li çiya û bajaran, di têkoşîn, rêxistin, meş, xwepêşandan, girtîgeh û serhildanên veşartî de, wan selimand ku zanist û têkoşîn du têgehên ji hev nayên veqetandin in.

Di vê rojê de, em bi şanazî rêz li hemû rêber û xwendekarên şehîd digirin ku qelemên xwe veguherandin çekan û xwîna xwe dan daku em bikaribin têkoşîna xwe ya sivîl û demokratîk di siya azadiyê de bidomînin.

Spas ji hemû wan dilsoz û têkoşerên berê û yên niha re, yên ku dem û wuzeya xwe dane daku ev rêxistina pîşeyî wekî kelehek bihêz a zanist, perwerde, pêvajoya fêrbûnê û Kurdayetiyê bimîne.

Di vê qonaxa nûjenkirin û xebata we de, ez ji we dixwazim ku hûn bêyî cudahî bibin dengê rastîn yê xwendekaran, rêya nifşên pêşerojê ronî bikin û bi hêviyê ber bi pêş ve biçin.

Di vê rojê de, ez ji we re piştrast dikim ku ezê her gav bi şanazî li kêleka we xwendekar û ciwanan rawestim û ji bo nûjenî û perwerdehiya ciwanên me û pêşxistina pêvajoya perwerdehiyê li welatê me piştgiriyê bidim we.

Ez baweriya xwe bi wuze û şiyana te tînim,ez piştrast im ku pêşeroj ji bo te ye. Yekîtiya Nîştimanî ya Kurdistanê ji bo te vekiriye, pêşandana we, guhdarîkirina we û perwerdekirina we dê pêşîniya me be.

Pîroz be Yubîla 50. Saliya Zêrîn ya Komeleya Xwendekarên Kurdistanê, ber bi pêşerojek geştir ji bo xwendekaran û welatê me ve.

Herdem serbilind û serkeftî be

Bafil Celal Talebanî

Serokê Yekîtiya Nîştimanî ya Kurdistanê

PUKMEDIA