Hikûmeta federal qurbaniyên êrîşên li ser Herêmê qerebû dike

Fermangeha Ragihandinê

Civîna Civata Wezîran a Îraqê

Hikûmeta Îraqê biryar da ku alîkariya darayî bide malbatên qurbaniyên êrîşên dawî yên li ser axa Îraqê, tevî Herêma Kurdistanê.

Nivîsgeha Serokwezîrê Îraqê Mihemed Şeyah Sûdanî di daxuyaniyekê de ragihand ku Civata Wezîran ya Îraqê, di civîna xwe ya asayî de, biryar da ku budçeyek taybetî ji bo dabînkirina mafên darayî ji malbatên qurbaniyên êrîşên leşkerî yên dawî yên li ser axa Îraqê veqetîne.

Her weha amaje bi wê yekê kir ku, ev biryar ji bo qurbaniyên Herêma Kurdistanê jî derbas dibe.Ji destpêka şerê Amerîka û Îsraîlê li dijî Îranê di 28ê Sibata 2026 an de, 809 êrîş li Herêma Kurdistanê hatine kirin, di encamê de 20 kes şehîd bûne û 123 kes jî birîndar bûne.

PUKMEDIA