Pêgeha bihêz ya YNKê Silêmanî kiriye paytexta biryarên siyasî

PUKMEDIA

Silêmanî, Logoya Yekîtiya Nîştimanî ya Kurdistanê

Silêmanî bûye paytexta çalakiyên siyasî û qada biryardanê li Îraqê û di mijarên siyasî de, ne tenê li Kurdistanê, roleke girîng û diyarker dilîze,li Îraqê û heta li herêmê jî, serdanên serokên dewletan, şandeyên navneteweyî, nûner, balyoz û konsulan bo Silêmaniyê nîşana piştrastkirina paytexta siyasî ne.

Silêmanî roleke girîng di girtina biryarên çarenivîsaz de dilîze

Silêmanî roleke girîng di biryarên siyasî yên çarenivîsaz yên Kurdistan, Îraq û heta herêmê de dilîze, ev jî ji ber hêz û cihê YNKê, pirrengî û azadiya çalakiyên siyasî li bajêr e.

Serwe Mihemed, Biryardera fraksiyona YNKê li Civata Nûneran ya Îraqê, ji malpera fermî ya PUKMEDIA re ragihand ku, ji ber hêz û pêgeha YNKê, çalakiyên siyasî û tevgerên Serok Bafil, pirrengî, azadiya ramanê û azadiya xebata siyasî, Silêmanî li herêmê bûye pêgehek siyasî ya bihêz.

Her wiha ragihand ku hatina serokên dewletan, şandeyên navneteweyî, nûner, balyoz û konsulan nîşan dide ku Silêmanî li Kurdistan û Îraqê xwedî pêgeheke siyasî ya bihêz e, her wiha ew bûye navenda biryardana siyasî li herêmê, ev yek jî bûye sedem ku Silêmanî roleke girîng di biryardana biryarên siyasî yên Kurdistan, Îraq û herêmê de bilîze.

Silêmanî bûye navenda biryardana siyasî li Îraqê

Pêgeha bihêz ya YNKê û Silêmaniya pir partî û pirreng berhema siyaseta Serok Mam Celal e, ku bajar kiriye navendeke girîng ya biryardana siyasî û bala civaka navneteweyî.

Asos Elî, endama fraksiyona YNKê li Civata Nûneran ya Îraqê, ji malpera fermî ya Yekîtiya Niştimanî ya Kurdistanê (PUKMEDIA) re ragihand ku,ew sîstema pir-partî li Silêmaniyê berhema siyaseta qefta Gulan ya Serok Mam Celal e ku wusa kiriye ku,bi awayekî berçav demokrasî, azadiya derbirînê û pirrengî li herêmê pêş bikevin û berdewam be, hevdem pirrengî û pirpartî bûye sedem ku bêyî Silêmaniyê çi biryarek e siyasî ya girîng li Kurdistan û Îraqê ne gengaze, ev yek bajar kiriye navenda biryara siyasî û her tim wekî hêzek siyasî ya çalak û bi bandor axaftina xwe heye.

Raginad jî bandora pêgeha siyasî ya Silêmanî li ser biryarên girîng yên li Îraq û herêmê berhemê peywendiyên xurt e ku Serok Mam Celal berê ava kirib, di dema niha de zêdetir reng daye, Yekîtiya Niştimanî ya Kurdistanê (YNK) li herêmê hawîrdorek siyasî ya azad afirandiye û Silêmanî kiriye cihê baldariya civaka navneteweyî, welatên biyanî, hêzên siyasî, yên herêmî û Îraqî û kiriye navendeke girîng ya pêvajoya siyasî.

Di nuhtirîna çalakiyên siyasî de, duh, 2ê Gulana 2026an, Elî Zeydî, Serokwezîrê Îraqê yê erkdarkirî û ji aliyê Bafil Celal Talebanî ve, li Silêmaniyê hat pêşwazîkirin,hevdem  Elî Zeydî kêfxweşiya xwe ya serdana Silêmaniyê anî ziman û spasiya Bafil Celal Talebanî kir bo piştgiriyên Yekîtiya Nîştimanî ya Kurdistanê (YNK) û tekezî li ser hemahengiya berdewam di navbera herdu aliyan de ji bo avakirina hikûmeta nû ya Îraqê kir.

PUKMEDIA