Qubad Talebanî:YNKê her di mezinbûn û xurtbûnê de ye

Ragihandina Qubad Talebanî

Qubad Talebanî li baregeha Yekîtiya Niştimanî ya Kurdistanê (YNK)

Qubad Talebanî, Berpirsê Merkteba Sekreteriya Serok Mam Celal, li Raniyê serdana baregeha Yekîtiya Niştimanî ya Kurdistanê (YNK) kir û ji aliyê Heyder Seîd, berpirsê melbend û endamên baregehê ve hat pêşwazîkirin.

Di destpêka civîna ku roja Yekşemê (31/05/2026)an hat lidarxistin de, Qubad Talebanî bi boneya 51.emîn salvegera damezrandina Yekîtiya Nîştimanî ya Kurdistanê (YNK) pîrozbahî li endamên melbend û hemû kadro, heval û xelkê herêma Raperînê kir û ragihand ku, Wî xelkê herêma Raperînê ji rojên pêşîn yên têkoşîna wê ve piştgiriya Yekîtiya Niştîmanî ya Kurdistanê (YNK) kirine,ji ber vê yekê, divê baregeha Raperînê têkiliya di navbera YNK û xelkê de bi awayekî ji nû ve organîze bike ku hemû çîn baregehê wekî mala xwe bibînin.

Di beşek din a axaftina xwe de, berpirsê Nivîsgeha Sekreteriya Serok Mam Celal behsa rewşa niha ya YNKê kir û ragihand ku YNKê , bi serokatiya Serok Bafil Celal Talebanî, her ku diçe mezin dibe û xurt dibe û niha hem li Bexdayê û hem jî li qada navneteweyî ji ber siyaset û helwestên xwe rêz lê tê girtin û wekî garantiyek ji bo parastina mafên Kurdan û çareserkirina pirsgirêkan tê dîtin.

Qubad Talebanî ragihand jî divê melbenda Raperînê û hemû saziyên YNKê rêbazên karên xwe li gorî vê rewş û helwesta nû ya YNKê biguherînin û peywendiyên xwe bi gel re bi awayekî ji nû ve organîze bikin ku her kes YNKê wekî hêza xwe bibîne.

PUKMEDIA