Nêçîrvan Barzanî: Yekîtiya Nîştimanî ya Kurdistanê her tim xwedî pêgeheke girîng û bi bandor bûye

PUKMEDIA

Serokê Herêma Kurdistanê Nêçîrvan Barzanî

Serokê Herêma Kurdistanê Nêçîrvan Barzanî piştrast kir ku Yekîtiya Niştimanî ya Kurdistanê xwedî dîrokeke dirêj a têkoşînê ji bo mafên gelê Kurd e û her tim di pêvajoya siyasî ya Herêma Kurdistanê û Îraqê de xwedî cihekî girîng û bi bandor bûye.

Ev peyam di peyama pîrozbahiyê ya Serokê Herêma Kurdistanê de ji bo Birêz Bafil Celal Talebanî, Serokê YNKê, bi boneya 51emîn salvegera damezrandina YNKê hat.
Nivîsa peyamê wiha ye:

Birêz Bafil Talebanî
Serokê Yekîtiya Niştimaniya Kurdistanê
Silav û rêz

Di salvegera damezrandina Yekîtiya Niştimanî ya Kurdistanê de, ez ji we û serkirdayatî, endam û alîgirên YNKê re, pîrozbahiyên germ û hêviyên çêtirîn ji bo serkeftina we ya berdewam pêşkêş dikim.

Bi vê boneyê, em mîrateya dîrokî û têkoşîna Serokê rihmetî Mam Celal bi bîr tînin

YNK xwedî dîrokeke dirêj a têkoşînê ji bo mafên gelê Kurd e û di vê dozê de bi hezaran şehîd feda kirine. Her dem di pêvajoya siyasî ya Herêma Kurdistanê û Îraqê de xwedî pêgeha girîng û bi bandor bûye.

Di vê salvegerê de, em ji nû ve piştrast dikin ku berpirsiyariya hevbeş, hevgirtin û çalakiya hevbeş di navbera hemû hêz û partiyên siyasî de ji her demê girîngtir e, da ku em bi hev re bikaribin yekîtiya destûrî ya Herêma Kurdistanê û mafên gelê Kurd biparêzin.

Ez hêvî dikim ku ev bûyer dê bibe derfetek nû ji bo xurtkirina yekîtiya Nîştimanî û pêşvebirina diyalog û têgihîştinê da ku nakokiyan çareser bikin û aramî, serfirazî û pêşerojek çêtir û bi rûmettir ji bo gelê Kurdistanê bi dest bixin.

Nêçîrvan Barzanî
Serokê Herêma Kurdistanê
1ê Hezîrana 2026an

PUKMEDIA