Dezgeha Nêrîn:Yekkirina gotra Kurdî li Bexda ji bo çespandina mafên destûrî

Taybet

Dîmek ji rûniştinê

Di pêngavekê de ku armanca wê kûrkirina têgihîştina têgeha federalîzmê li Îraqê û xurtkirina gotarek yekgirtî bû, Dezgeha Nêrîn ji bo Lêkolînên Stratejîk bi beşdariya çend endamên parlemanê, nivîskar, profesorên zanîngehê, akademîsyen û pisporên leşkerî rûniştinek diyalogê ya vekirî li dar xist.

Di dema rûniştinê de, Dr. Dîlawer Osman lêkolînek bi sernavê "Xurtkirina Sîstema Federal û Rêveberiya Hevpar bi riya Gotûbêja Siyasî ya Kurd li Bexdayê" pêşkêş kir di lêkolîna xwe de, wî destnîşan kir ku destûra Îraqê ya heyî hejmarek madeyan dihewîne ku divê werin nirxandin û sererastkirin daku li gorî pêdiviyên qonaxa niha bin, û tekez li ser girîngiya yekkirina gotara siyasî ya Kurd li seranserî Îraqê kir.

Her weha çend beşdaran li ser girîngiya hebûna gotareke yekgirtî ya Kurdî li Bexdayê gotûbêj kirin, û tekez kirin ku ev bandorek rasterast li ser jiyana welatiyan dike û zêdebûna hevrêzî û yekîtiya helwestê di navbera hêzên siyasî yên Kurd de dê bibe alîkar ji bo xurtkirina mafên destûrî yên Kurdan û zêdekirina destkeftiyên aborî û darayî, û her weha berfirehkirina derfetên ji bo maf û nûnerayetî li ser bingeha şiyanîtiyê.

Bi pêkanîna hikûmeta nû ya Îraqê re, û bi hêviya zêdebûna gotûbêj û nakokiyên li ser dahat, mûçe û budceya giştî di serdema pêş de, û hejmarek beşdaran daxwaza avakirina desteyeke hevrêziyê ya hevbeş kirin ku ji aliyên siyasî yên cuda yên Kurd pêk were, bi armanca yekkirina helwestan û birêvebirina krîz û pirsgirêkên potansiyel di pêşerojê de bi bandortir.

PUKMEDIA