Serok Bafil: Hikûmeta bê divê hevseng û hevkarî têde be

Ragihandina Serok Bafil

Beşek ji civînê

Serokê Yekîtiya Niştimaniya Kurdistanê (YNK) Bafil Celal Talebanî li Hewlêrê digel Balyoza Turkiyê ya li Îraqê Anel Bora Înan civiya.

Cîgirê Serokwezîr Qubad Talebanî û Konsulê Turkiyê li Herêma Kurdistanê Erman Topcu beşdarî civînê bûn, rewşa giştî ya Îraq û herêmê gotûbêj kirin û tekezî li ser hemahengî û hevkariya di navbera aliyan de ji bo çareserkirina pirsgirêkan bi awayekî aştiyane kirin.

Pirsa pêkanîna Hikûmeta Herêma Kurdistanê hate gotûbêj kirin û Serok Bafil nêrînên YNKê pêşkêş kir û got: Divê hikûmeta pêşerojê hevsengî û hevkariyê biparêze.

Derbarê peywendiyên di navbera Hewlêr û Bexdayê de, Serok Bafil tekez li ser çareserkirina pirsgirêkan li ser bingeha destûrê kir û ragihand ku,başbûna peywendiyên bandor li ser rewş û xizmeta ji xelkê me re kiriye û em dixwazin ev berdewam bike.

Derbarê rewşa Kerkûkê de, balyozê Turkiyê pesna rola Serok Bafil û YNKê di nêzîkkirina aliyan û xurtkirina giyanê jiyana hevbeş û rêkeftinên siyasî de da û ew wekî pêngaveke girîng ji bo bêtir xizmetkirina bajêr û kûrkirina biratiya di navbera netewe û pêkhateyên Kerkûkê de bi nav kir.

Di civînê de tekezî li ser pêwîstiya pêşxistina peywendiyên hevbeş ên di navbera Îraq û Herêma Kurdistanê de bi Turkiyê re li ser bingeha berjewendiyên hevpar hat kirin.

PUKMEDIA