Serok Bafil û Dawûd Oglu piştgiriya xwe ji bo pêvajoya aştiyê li Tirkiyeyê dubare kirin

Nivîsgeha rojnamevanî serok Bafil

Serok Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî li mala xwe ya li Debaşanê pêşwaziya serokwezîrê berê yê Tirkiyeyê û serokê Partiya Pêşerojê Ahmet Dawûd Oglu kir.

Di hevdîtinê de, ku Cîgirê Serokwezîrê Herêma Kurdistanê Qubad Talebanî jî beşdar bû, li ser pêşketin û aloziyên dawî yên li herêmê axivîn û girîngiya berdewamiya diyalogê û gihîştina lihevkirinan tekez kirin.
Her wiha li ser rêyên xurtkirina têkiliyên di navbera Parêzgeha Silêmaniyê û Tirkiyeyê de jî axivîn.

Her du aliyan li ser avakirina kabîneya nû ya Hikûmeta Herêma Kurdistanê û astengiyên ku rê li ber wê digirin, û her wiha mijara avakirina hikûmeta nû ya Iraqê jî axivîn.

Serok Bafil Celal Talebanî û Birêz Dawûd Oglu piştgiriya xwe ji bo pêvajoya aştiyê li Tirkiyeyê dubare kirin.

PUKMEDIA