Qubad Talebanî daxwaza pêşxistina şiyanên jinan dike

Ragihandina Qubad Talebanî

Qubad Talebanî bi Yekîtiya Jinên Kurdistanê re civiya

Qubad Talebanî, Berpirsê Mekteba Sekretariyeta Serok Mam Celal, bi Serpereştiyara Yekîtiya Jinan a Kurdistanê Lava Hîkmet û rêvebirên rêxistinê re civiya.

Di civîna ku îro roja Duşemê 13/7/2026`an pêk hat de, li ser çalakî û çawaniya gavên ji nû ve organîzekirina Yekîtiya Jinên Kurdistanê hat gotûbêj kirin. Qubad Talebanî destxweşî li hewldanên berdewam ên Lava Hîkmet û rêvebirên rêxistinê kir ku tedbîrên pêwîst û guncaw ji bo nûjenkirin û organîzekirina Yekîtiya Jinan girtine û geşbîniya xwe anî ziman ku ev hewldan encam didin daku Yekîtiya Jinan bikare bi awayekî modern parastina mafên xwe bikin û bibe ew rêxistina ku jinên Kurdistanê pêdiviyên xwe pê hene.

Di beşek din a civînê de, Berpirsê Mekteba Sekretariyeta Serok Mam Celal, daxwaz kir di vê qonaxa nû de girîngiyek taybetî bidin pêşxistina şiyanên jinan di warên cûda de û ji wan re bibin alîkar ku li hember astengî û pirsgirêkên ku derdikevin, daku sal li dûv sal nêzîkî armanca bidestxistina civakek azadtir, wekhevtir û dadperwertir bibin.

Di vê çarçoveyê de, Qubad Talebanî bi girîng dît ku Yekîtiya Jinan hişyariya yasayî di nav jinan de bêtir pêş bixin û ji bo ku jin li ber yasayê wekhev bin bixebitin.

PUKMEDIA