Serok Bafil nameyeke spasdariyê ji Emîn Babe Şêx wergirt

PUKMEDIA

Serok Bafil û Emîn Babe Şêx

Bafil Celal Talebanî, Serokê Yekîtiya Niştimanî ya Kurdistanê, peyamek ji Emîn Babe Şêx wergirt, û li ser navê xwe û malbata xwe, spasdariya xwe diyar dike û wiha dibêje: Serok Mam Celal parêzvanekî rastîn yê mafên pêkahateyên olî bû,Xanim Hêro Xan serkirdyek ya mirovdost û welatparêz e, ji ber vê yekê ez bawer im ku hûn jî dê wek diya û bavê xwe di heman rê û arasteyê de berdewam bikin.

Naveroka peyama Emîn Babe Şêx:

Ji bo/ Birêz Bafil Celal Talebanî ,Serokê Yekîtiya Niştimanî ya Kurdistanê,

B/ Spas û Pêzanîn

Sersaxiyên we ji bo malbata me li ser koça Xanim Behar, hevjîna koçkirî Babe Şêx, Serokê berê yê Civata Ruhanî ya Êzidiyan:

Piştî silav û rêzgirtinan...

Bi navê xwe û malbata xwe, ez ji dilekî germ ji bo peyama we ya sersaxiyê spasiya we dikim, bi rastî, naveroka nameya sersaxiyê xemgîniya me kêm kir û ji bo me çavkaniyeke şanazî û dilsoziyê ye.

Birêz Serok...

Gava min peyama we ya sersaxiyê xwend, yekser helwestên Birêz Serok, Mam Celal, û Xanim Hêro Xan hatin bîra min û niha jî, wek nîşana dilsoziyê, ez vê wek derfetekê dibînim ku van çend rêzan bi kurtasî bînim bîra xwe:

Birêz Serok, Mam Celal, parêzvanekî rastîn yê mafên pêkhateyên olî (kêmnetewe) li herêmê û Îraqê bû, û bi taybetî derbarê mafên Êzidiyan de, wî her tim hêsankarî ji bo beşdariya Êzidiyan di hemû warên civakê de dikir, ji ber ku wî her hewldan dikir daku ew neyên jibîrkirin yan jî paşguhkirin.

Xanim Hêro Xan serkirdeyek ya mirovperwer û Nîştimanperwer e, û ew her tim piştgir û xêrxwaza Êzidiyan bûye.

Di dema komkujiya Êzîdiyan di 3ê Tebaxa 2014.an de ji aliyê rêxistina terorîst (DAIŞ) ve dest pê kir,bi deh hezaran Kurdên Êzidî li Çiyayê Şengalê dorpêçkirî bûn û bê xwarin û avê mabûn,gava nûçe digihîje Hêro Xan, ew yekser biryarê dide ku divê di zûtirîn dem de alîkarî ji wan re bê kirin,wê hevkariyê roleke sereke di rizgarkirina nêzîkî 50 hezar zarok, jin û mêrên kal û nexweş de list û di heman demê de, wan alîkarî jî kir ku ew xwe ji aliyê leşkerî ve biparêzin.

Birêz Serok...

Tevî rewşa giran ya Kurdên Êzidî li Herêma Kurdistanê û Îraqê,helwestên mirovî yên Birêz Serok Mam Celal û Xanim Hêro Xan tên bîranîn û her demê em bilind dinirxînin,ez bawer im ku tu dê wek diya û bavê xwe, di heman rêbaz û arasteyan de berdewam bikî.

Em ji xwedayê mezin daxwaz dikin ku birêz serok Mam Celal bi behuşta xwe şad bike,û em ji Xanim Hêro Xanê re tendirustî û leşsaxî baş dixwazin; her wiha jiyaneke dirêj û serkeftinê dixwazin.

Bi rêz

Emîn Babe Şêx

PUKMEDIA