Letîf Nêrweyî: Serok Bafil ji hestiyariya rewşa navçeyê fêm dike

PUKMEDIA

Latîf Nêrweyî

Letîf Nêreweyî berpirsê borda ragihandinê ya Yekîtiya Nîştimanî ya Kurdistanê ragihand: Serdanên berdewam ên Serok Bafil Celal Talebanî bo Bexdayê di çarçoveya bicihanîna berpirsiyariyeke nîştimanî de ne, ji bo çêkirina yekdengî û yekrêziyê di navbera serkirdeyên bilind ên Îraqê de, bi mebesta rûbirûbûna aloziyên siyasî û ewlehiyê û parastina berjewendiyên Herêmê û Îraqê di vê rewşa hestiyar a navçeyê de.

Letîf Nêreweyî, endamê serkirdayetiyê û berpirsê borda ragihandinê ya YNK, li ser civînên Bafil Celal Talebanî, serokê Yekîtiya Nîştimanî ragihand: Armanca Serok Bafil di serdanên wî yên berdewam bo Bexdayê de ew e ku her gava pirsgirêkeke mezin a siyasî û ewlehiyê çêdibe yan jî peywendiyên Herêma Kurdistanê û Bexdayê aloz dibin, Serok Bafil serdana Bexdayê dike û di hestiyariya rewşa navçeyê de digihîje fêmkirinê û çareserkirina pirsgirêkan wekî beşekî ji erkên xwe dihesibîne.
Wî her wiha ragihand: Di serdana xwe ya vê dawiyê bo Bexdayê de, Serok wekî bicihanîna berpirsiyariyeke nîştimanî, rêze civîn bi serokên bilind ên Îraqê re pêk anîne, ji bo çêkirina kodengê, yekrêziyê û lihevkirineke li ser çawaniya serketinê bi ser pirsgirêkan de û rûbirûbûna wê rewşa ku di navçeyê de çêkiriye.

Her wiha da xuyakirin: Çawa ku di destpêka şerê navbera Amerîka û Îranê de Serok Bafil serdana Bexdayê kir û bi serok û serkirdeyên beşekî pir ji aliyên siyasî yên Îraqê re civiya û karîbû hevdengekê çêke û peyama wê yekê bigihîne wan ku di vê rewşê de ji bo berjewendiya Îraq û Herêma Kurdistanê pêwîst e bêalîbûnê hilbijêrin, di vê demê de jî Îraq û Herêma Kurdistanê di rewşeke hestiyar re derbas dibin, bi awayekî ku niha rewş ne şer û ne aştî ye, di heman demê de şerê aborî û şerê navbera Amerîka û Îranê li navçeyê berdewam in û rewş di guhertineke berdewam de ye. Ji ber wê jî Serok Bafil hewldanên xwe ji bo derbaskirina rewşê di berjewendiya hemû aliyan de xurtir kirine.


PUKMEDIA