Serok Bafil:Pêdiviya pirsgirêkan bi çareseriya aştiyane û diyaloga domdar heye

Nivîsingeha Ragihandina Serokê YNKê

Bafil Celal Talebanî, Serokê, Yekîtiya Nîştimaniya Kurdistanê û Ebas Eraqçî, Wezîrê Derve yê Îranê

Bafil Celal Talebanî Serokê Yekîtiya Nîştimaniya Kurdistanê li Tehranê digel Wezîrê Derve yê Komara Îslamî ya Îranê Ebas Eraqçî civiya.

Di civînê de ku şandeke payebilind ya YNKê jî amade bû, pêşketinên dawî yên siyasî û leşkerî yên li herêmê hatin gotûbêj kirin.

Bafil Celal Talebanî tekez kir ku pêwîstiya pirsgirêkan bi çareseriyeke aştiyane û diyalogeke berdewam heye.

Bafil Celal Talebanî, Serokê Yekîtiya Nîştimanî ya Kurdistanê (YNK), tekez li ser hewldanên berdewam yên YNKê kir ji bo xurtkirina aştiyê û kêmkirina aloziyan û ragihand ku,Herêma Kurdistanê rêzê li ewlehî û serweriya welatên hevsê digire û dîrokeke hevpar û kevnar bi gelê Îranê re heye.

Ji aliyê xwe ve, Wezîrê Derve yê Komara Îsalamî ya Îranê pêzanînên xwe ji bo rola Bafil Celal Talebanî û Yekîtiya Niştimaniya Kurdistanê (YNK) di hewildanên wan de ji bo parastina aramiyê li Herêma Kurdistanê, Îraq û herêmê nîşan da.

PUKMEDIA