ئاسایش 7 هەڵاتووی ماددەی تیرۆر لە سلێمانی دەستگیر دەكات

بەڕێوەبەرایەتی ئاسایشی رۆژئاوای سلێمانی

ئاسایشی سلێمانی حەوت تیرۆرست دەستگیر دەكات

بەڕێوەبەرایەتی ئاسایشی رۆژئاوای سلێمانی حەوت داواكراوی لە یاسا هەڵاتوو بەپێی ماددەی 4 تیرۆر دەستگیر دەكات كە 3 لە دەستگیركراوەكان  پلەی  ئەمیریان هەبووە لەناو داعشدا.

بەڕێوەبەرایەتی ئاسایشی رۆژئاوای سلێمانی رایگەیاند: "لەئەنجامی بەدواداچوون و لێكۆڵینەوەی بەردەوامی هێزەكانمان بۆ بەرقەراكردنی ئاسایش و ئارامی و دەستگیركردنی هەموو ئەوانەی دادگا داوایان دەكات هێزەكانمان دوای بڕیاری دەزگای ئاسایشی هەرێم و وەرگرتنی رەزامەندی دادوەر بەهاوكاری ئۆپەراسیۆنی ئاسایشی سلێمانی لە چەند هەڵمەتێكدا شەوی 23 /24-1-2023، حەوت تۆمەتبار كە سەرجەمیان لەلایەن حكومەتی فیدراڵی عیراقەوە داواكراوبوون بەپێی ماددەی 4ی تیرۆر دەستگیركران كە  سەرجەمیان خەڵكی  پارێزگاكانی ناوەڕاست و خواری عیراقن و بەمەبەستی خۆحەشاردان بەناوی كاركردنەوە هاتبوونە سنووری چەمچەماڵ و بازیان".

راشیگەیاند: "پاش لێكۆڵینەوە دەركەوت 3 لە دەستگیركراوەكان  پلەی  ئەمیریان هەبووە لەناو داعشدا و سەرجەمیشیان راپێچی بەردەم دەسەڵاتی دادوەریی كران".

بەڕێوەبەرایەتی ئاسایشی رۆژئاوای سلێمانی رایگەیاند: "دەستگیركراوان پێكهاتبوون لە : 
1-  (ھ ، م ، ح)
2- (أ ، م ، ح  )
3- (ج ، م ، ح )
4- ( ق ، س ، م )
5- (م ، ٳ ، ی )
6- (ب ، ٲ ، ٲ )
7- (ع ، ع ، ٲ)"

بەڕێوەبەرایەتی ئاسایشی رۆژئاوای سلێمانی

PUKMEDIA