په‌رله‌مانتارێكی یه‌كێتی داوایه‌ك ئاڕاسته‌ی بانكی ناوه‌ندی ده‌كات

PUKMEDIA

په‌رله‌مانتارێكی یه‌كێتی داوایه‌ك ئاڕاسته‌ی بانكی ناوه‌ندی ده‌كات

په‌رله‌مانتارێكی یه‌كێتی له‌پێناو به‌رزنه‌بوونه‌وه‌ی نرخی مادده‌ خۆراكی و پزیشكیییه‌كان به‌هۆی به‌رزبوونه‌وه‌ی به‌های دۆلار داوایه‌ك ئاڕاسته‌ی بانكی ناوه‌ندی ده‌كات.

د. بڕیار ره‌شید له‌فراكسیۆنی یه‌كێتی، هاوكات  ئه‌ندامی لیژنه‌ی ئابوری و پیشه‌سازی و بازرگانی له‌ئه‌نجومه‌نی نوێنه‌رانی عیراق به‌سایتی ره‌سمی یه‌كێتی PUKMEDIA ی راگه‌یاند:" به‌ مه‌به‌ستی ڕێگریكردن له‌گرانبوونی مادده‌ خۆراكییه‌كان و ده‌رمان و پێداویستیه‌ پزیشكییه‌كان كه‌ پێداویستی سه‌ره‌تایی هاووڵاتیانن له‌ رۆژی 17-1-2023 داوایه‌كمان ئاڕاسته‌ی بانكی ناوه‌ندی كردووه‌و داوامان كردوه‌ دۆلار به‌نرخی بانكی ناوه‌ندی بدرێت به‌و بازرگانانه‌".

" له‌پێناو گراننه‌بوونی مادده‌ خۆراكی و پزیشكییه‌كان داوامانكردوه‌ رۆتین كه‌مبكرێته‌وه‌و پرۆسه‌كه‌ خێرا بكرێت، تا زیان به‌رهاووڵاتیان نه‌كه‌وێت" د.بڕیار ره‌شید وای وت.

ئه‌مه‌ش له‌كاتێكدایه‌، بڕیاره‌ ئه‌مڕۆ بانكی ناوه‌ندی كۆده‌بێته‌وه‌و كۆمه‌ڵێك بڕیار بۆ دابه‌زاندنی به‌های دۆلار ده‌ربكات.

PUKMEDIA