سەباح حەبیب: یه‌كێتی خوازیاری چاره‌سه‌ری کێشەکانە

PUKMEDIA

سەباح حەبیب

یەکێتیی نیشتمانیی کوردستان خوازیاری چارەسەری کێشەکانی نێوان هەولێر و بەغدایە و هەرچی پێبکرێت لەو پێناوەدا ئەنجامی دەدات، ئەندامێکی ئەنجومەنی نوێنەرانی عیراقیش دەڵێت، "سه‌ردانه‌ به‌رده‌وامه‌كانی سه‌رۆكی یه‌كێتی و جێگری سه‌رۆك وه‌زیرانی هه‌رێم، ئه‌وە نیشانده‌ده‌ن كه‌ یه‌كێتی خوازیاری چاره‌سه‌ری ریشه‌یی كێشه‌كانە".

یەکێتی هەوڵی چارەسەرکردنی کێشەکانی داوە

سه‌باح حه‌بیب ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی بە سایتی ره‌سمی یه‌كێتیی نیشتمانیی كوردستان PUKMEDIA ی راگەیاند: "یه‌كێتیی نیشتمانیی كوردستان به‌به‌رده‌وامی هه‌وڵی چاره‌سه‌ركردنی كێشه‌كانی هه‌ولێرو به‌غدای داوه‌، ئه‌مه‌ش له‌پێناو ئه‌وه‌ی هاووڵاتیانی هه‌رێم له‌وه‌ زیاتر نه‌بنه‌ قوربانی ململانێ سیاسییه‌كان".

یەکێتی هەرچی پێبکرێت لەپێناو چارەسەرکردنی کێشەکاندا ئەنجامی دەدات

وتیشی: "سه‌ردانه‌ به‌رده‌وامه‌كانی سه‌رۆكی یه‌كێتی و جێگری سه‌رۆك وه‌زیرانی هه‌رێم، ئه‌و راستییانه‌ نیشانده‌ده‌ن كه‌ یه‌كێتی خوازیاری چاره‌سه‌ری ریشه‌یی كێشه‌كانی نێوان هه‌ولێرو به‌غدایه‌و هه‌رچی پێبكرێت له‌و پێناوه‌دا ده‌یكات".
PUKMEDIA