كونسوڵخانەی ئەمریكا: تیمی پارێزەرانی بادینان لە ژێر هەڕەشەی مردندا بوون

كونسوڵخانەی ئەمریكا لە هەولێر

خەڵاتكردنی پارێزەری دەستگیركراوانی بادینان لەلایەن كونسوڵخانەی ئەمریكاوە

كونسوڵخانەی ئەمریكا لە هەولێر پیرۆزبایی لە تیمی پارێزەران لە لیژنەی بەرگریكردن لە دەستگیركراوانی بادینان دەكات كە خەڵاتی جیهانی بۆ بەرگریكردن لە مافەكانی مرۆڤ یان وەرگرت لەلایەن نووسینگەی دیموكراسی و مافەكانی مرۆڤ و كاری سەر بە وەزارەتی دەرەوەی ئەمەریكا. 

لە پەیجی رەسمی فەیسبوكی خۆی كونسوڵخانەی ئەمریكا رایدەگەیەنێت: "تیمی بەرگریكردنی پارێزەران خزمەتی بریكارەكانیان كرد و برەویان بە سەروەری یاسادا لە ژێر كاریگەری مەترسی زۆری كەسی و پڕۆفیشناڵی لەوانەش ترساندن و هەراسانكردن و هەڕەشەكانی نادیاری مردنیش".

هەروەك دووپاتیدەكاتەوە : "ئامانجمان لە عیراق و ھەرێمی كوردستان هاوكاریكردنی هاوبەشە عیراقییەكانمانە بۆ بەهێزكردنی پاراستنی مافەكانی مرۆڤ لە ناویشیاندا دادگاییەكردنێكی دادپەروەرانەیە".
 كونسوڵخانەی ئەمریكا بە گەرمی پیرۆزبایی ئاڕاستەی هەریەك لە (بەشدار حەسەن و ڕێڤینگ یاسین و ڕەمەزان ئەرتیشی و كامەران تەها و شۆڕش كەریم و ڕێباز وسو و كارزان ڕەشید و فەرەیدون فازل لە لیژنەی بەرگریكردن لە گیراوەكانی بادینان) دەكات بۆ وەرگرتنی خەڵاتەكە.

 بەشدار حەسەن سەرۆكی تیمی پارێزەرانی دەستگیركراوانی بادینان و شیلادزێ رۆژی 1ی شوباتی ئەمساڵ لە باڵەخانەی وەزارەتی دەرەوەی ئەمریكا خەڵاتەكەی پێبەخشرا.

ساڵانە دوو كەس ئەو خەڵاتەی وەزارەتی ئەمریكا وەردەگرن، كە یەكێكیان ئەو پارێزەرە كوردە بوو، كە لە ناو زیاتر لە 600 سی ڤی لەسەرتاسەری جیهانەوە هەڵبژێردران كە لەرێی باڵیۆزخانە و كونسوڵخانە و نێردە دیپلۆماسییەكانی ئەمریكا بۆ وەزارەتی دەرەوە نێردرابوون.

PUKMEDIA