سەركەوت زەكی: گۆڕانكاری لە ژمارەیەك مەڵبەندی یەكێتی دا دەكرێت

راگەیاندنی مەكتەبی رێكخستن

گۆڕانكاری لە ژمارەیەك مەڵبەندی یەكێتی دا دەكرێت

لە رێوڕەسمێكدا هەژار حەسەن كوێستانی وەك لێپرسراوی نوێی مەڵبەندی قەرەچوغ دەستبەكاربوو، لە جێگەی حاكم سابیر كە پێشتر لێپرسراوی ئەو مەڵبەندەبووە و لێپرسراوی مەكتەبی رێكخستنیش ئاشكرایكرد: "گۆڕانكاری لە ژمارەیەك مەڵبەند دا دەكرێت".

لە رێوڕەسمەكەدا كە سەركەوت زەكی لێپرسراوی مەكتەبی رێكخستنی یەكێتیی نیشتمانیی كوردستان و ژمارەیەك لە ئەندامانی سەركردایەتی و هەڤاڵانی سنووری مەڵبەندەكە ئامادەیبوون، لێپرسراوی مەكتەبی رێكخستن لەوتەیەكدا پیرۆزبایی لە لێپرسراوی نوێ كرد و دەستخۆشی لە لێپرسراوی پێشتر كرد و رایگەیاند: "مەكتەبی رێكخستن لە بەرنامەیدایە ئەمساڵ گۆرانكاری لەهەندێك لەمەلبەندەكاندا دەكات و یەكێك لەوانە مەڵبەندی قەرەچوغ بوو".

"یەكێتی خزمەت بەخەڵك دەكات و هەموو شاروشارۆچكەكانی لە لاگرنگەو سنووری مەخمور یەكێكە لەوسنوورانە و خاوەنی زیاتر لە پێنج سەد شەهیدی قارەمانە و بەرنامەشمان ئاشتكردنەوەیە". سەركەوت زەكی وایوت.

لێپرسراوی نوێی مەڵبەندی 20ی قەرەچوغ هەژار حەسەن كوێستانییە كە لە بنەماڵەیەكی تێكۆشەری یەكێتیین.

 لەوتەیەكی كورتدا لێپرسراوی نوێی مەڵبەندی 20 رایگەیاند: " درێغی لە خزمەتكردن ناكەم  و  لەسەر رێبازەكەی سەرۆك مام جەلال ئەركەكانی رادەپەڕینم و خۆم بە كوڕی مەخمورییەكان دەزانم".

PUKMEDIA سەرچاوە: راگەیاندنی مەكتەبی رێكخستن