کۆمەڵە و رێکخراوەکانی یەکێتی بەشداری لە کەمپینی بەهاناوەچوونی زیانلێکەوتوانی بومەلەرزەکەی سوریا و تورکیا دەکەن

AFP

کارەساتی بوومەلەرزە لە سوریا و تورکیا

مەکتەبی رێکخراوە دیموکراتییەکان داوای بەهاناوەچوونی کارەساتبارانی بومەلەرزەکەی سوریاو تورکیا دەکات و سەرجەم کۆمەڵە و سەندیکاکانی یەكێتی ئاگادار دەکاتەوە بەشداربن لە كۆكردنەوەی كۆمەك و پێداویستییەكان بۆ زیانلێکەوتووانی بوومەلەرزەکە.

هەروەها ئاماژە بەوەش دراوە: "كۆمەك بگەیەننە مۆزەخانەی نیشتمانی ئەمنەسورەكە، تا لەڕێگەی ئەو كەمپینەی دەزگای میدیایی كوردسات رێكی خستووە بگاتە لێقەوماوانی ئەوكارەساتە ناخ هەژێنە، بەڵكو لەڕێگەی كۆمەكەكانی ئێوەی بەڕێزەوە كەمێك لەو ئازار و سەختیانەی ئێستای ژیانیان كەمكەینەوە".

دەقی پەیامەکەی مەكتەبی رێكخراوە دیموكراتییەكان

بەڕێزان كۆمەڵەو سەندیكاو یەكێتییەكان و رێكخراوەكانی كۆمەڵگەی مەدەنی، وەك ئاگادارن خوشك و براكانمان لە باكور و رۆژ ئاوای كوردستان بە هۆی ئەو بومەلەرزەیەی قوربانییەكی زۆری لێكەوتووەتە و زیانێكی مادی زۆریشیان بەركەوتووە، بۆیە داواتان لێدەكەین بە هەموو تواناتانەوە بەشداربن لە كۆكردنەوەی كۆمەك و پێداویستییەكانی ژیانی رۆژانە بۆ خوشك و براكانمان لە باكور و رۆژ ئاوا، هەوڵبدەن زۆرترین كۆمەك بگەیەننە مۆزەخانەی نیشتمانی ئەمنەسورەكە، تا لەڕێگەی ئەو كەمپینەی دەزگای میدیایی كوردسات رێكی خستووە بگاتە لێقەوماوانی ئەوكارەساتە ناخ هەژێنە، بەڵكو لەڕێگەی كۆمەكەكانی ئێوەی بەڕێزەوە كەمێك لەو ئازار و سەختیانەی ئێستای ژیانیان كەمكەینەوە.

هیوامان سەركاوتنتانە

جوتیار نوری ئەندامی مەكتەبی سیاسی و لێپرسراوی مەكتەبی رێكخراوەدیموكراتییەكان

PUKMEDIA