ئاسایشی سلێمانی 2 دزی ئۆتۆمبێل دەستگیردەکەن

PUKMEDIA

ئاسایشی سلێمانی

بەڕێوەبەرایەتی ئاسایشی رۆژئاوای سلێمانی 2 کەس بە تۆمەتی دزینی ئۆتۆمبێل دەستگیردەکەن و دەست بەسەر ئۆتۆمبێلە دزراوەکەشدا دەگرن.

دەقی راگەیەندراوی ئاسایشی سلێمانی..

دوای ئەوەی زانیاریمان بەدەستگەیشت ، شەوی  (٣٠ / ٣١ /۱/ ٢٠٢٣ ) لە یەکێک گەڕەکەکانی شاری سلێمانی ئۆتۆمبێلێکی جۆری تۆیۆتا دەبڵ تابلۆێ سلێمانی دزراوە  خاوەنەکەی داوای یاسای تۆمارکردوە ،دەستبەجێ بەبڕیاری دەزگای ئاسایشی هەرێمی کوردستان پاش وەرگرتنی ڕەزامەندی دادوەری دادگای لێکۆڵینەوە ،تیمە تایبەتەکانمان لەبەڕێوەبەرایەتی ئاسایشی ڕۆژئاوای سلێمانی ڕاسپێردران بۆ دۆزینەوەی دزەکان و ئەو گروپەی ئەم تاوانەیان ئەنجامداوە 

دوای بەدەستهێنانی  زانیاری وردو تەواو لەسەر ئەو تۆمەتبارانەو ناسنامەو شوێنی دانیشتن و چۆنێتی ئەنجامدانی تاوانەکانیان ، لەئۆپراسیۆنێکی تایبەتدا لەبەرواری (١ /٢ /٢٠٢٣)لە بازگەی بانیمەقان (٢) تۆمەتباری گروپەکە بەناوەکانی (س ، س ، ص) و(ح ، ئ  ، ع ) دانیشتوی پارێزگای کەرکوک لەلایەن هێزەکانی ئۆپراسیۆنی بەڕێوەبەرایەتیمانەوە دەستگیرکران و دەستبەسەر ئۆتۆمبێلە دزراوەکەشدا گیرا.

بەماددەی (٤٤٤ ) پەڕاوی لێکۆڵینەوەیان بۆ کرایەوە لێکۆڵینەوە لەوبارەیەوە دەستیپکرد ، تۆمەتبارەکان ئاماژەیان بەوەدا چەندین تاوانی دیکەی لەم جۆرەیان ئەنجامداوەو پاشان ئۆتۆمبێلەکانیان لەڕێگەی پەیوەندی تەلەفۆنی و تۆڕەکۆمەڵایەتیەکانەوە بەبێ ژمارە و بێسەرەتا (علوج ) بەهاوڵاتیان فرۆشتوەو ساغیان کردۆتەوە 

بەڕێوەبەرایەتی ئاسایشی ڕۆژئاوای سلێمانی

PUKMEDIA