لە سلێمانی کەمپینی هاوخەمتانین بۆ باکور و رۆژئاوا بەردەوامە

PUKMEDIA

لە سلێمانی کەمپینی هاوخەمتانین بۆ باکور و رۆژئاوا بەردەوامە

کەمپینی هاوخەمتانین کەلە سلیمانی راگەیەندرا بۆ کۆکردنەوەی هاوکاری بۆ زیانلێکەوتوانی بوومەلەرزە گەورە و یەک لەدوای یەکەکانی سوریا و تورکیا بەردەوامە و هەڵەمەتەکە فراوانتر کراوەو لە سلێمانی و رانیە و کەلار و چەمچەماڵ و زانکۆی راپەڕین بەردەوامی پێدەدرێت.

دوێنێ سی شەممە 7-2-2023 لە شاری سلێمانی کەمپینی هاوخەمتانین لەلایەن دەزگای میدیایی کوردسات بەهەماهەنگی لەگەڵ مۆزەخانەی نیشتمانی ئەمنەسوورەکە و منداڵپارێزی کوردستان و رێکخراوی هۆڕایزن بۆ هاوکاریکردن و گەیاندنی کۆمەک بۆ کارەساتی بومەلەرزەکەی سوریا و تورکیا دەستیپێکرد و ئەمڕۆش هەڵمەتەکە بەردەوامە و هاوڵاتیان و خێرخوازان و کەسایەتییەکان بەرێژەیەکی بەرچاو بەدەم هەڵمەتەکەوە چون و هاوکارییەکانیان دەگەیەنن.

هاوکات لە کەمپینەکەدا داوا لە خێرخوازان دەکریت کە زۆرترین پێداویستی وەک ( پارە-بەتانی-خێمە-راخەر-کورسی خاوەن پێداویستی تایبەت-دارشەق-جلوبەرگ-پێداویستی پزیشکە سەرەتایی) پێشکەشی کەمپینەکە بکەن.

سەرلەبەیانی رۆژی 6-2-2023 بوومەلەرزەیەک بە گوڕی  7.4 پلەی رێختەر، چەند شارێکی تورکیا و سوریای هەژاند و بەوهۆیەشەوە ژمارەیەکی زۆر گیانلەدەستدان و برینداری لێکەوتەوە، کە بەپێی تازەترین ئامار ژمارەی قوربانییەکان لە  تورکیا و سوریا گەیشتووەتە 6 هەزار و 957 گیانلەدەستداون و 38 هەزار و 224 بریندار.

PUKMEDIA