قوباد تاڵەبانی: یەکێتی نوسەران بەهەڵوێست و تێکۆشەرە

نوسینگەی رۆژنامەوانی قوباد تاڵەبانی

قوباد تاڵەبانی، سەرپەرشتیاری مەکتەبی سکرتارییەتی سەرۆک مام جەلال

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال لە پەیامێکدا پیرۆزبایی لە یەکێتی نوسەرانی کورد دەکات.

دەقی پەیامەکە....

بەڕێزان لە یەکێتی نوسەرانی کورد 

لەیادی پەنجا وسێ ساڵەی دامەزراندنی یەکێتی نوسەرانی کورد وەک یەکێک لەو رێکخراوە پیشەییانەی رۆڵێکی دیاری لەخزمەتکردنی کاروانی ئەدەبی و روناکبیری کوردا هەبوو، پیرۆزباییتان لێ دەکەم و هیوای سەرکەوتنتان بۆ دەخوازم.

یەکێتیی نوسەرانی کورد ڕێکخراوێکی تێکۆشەرو بەهەڵوێست و هەردەم لەگەڵ هێڵی شۆڕش و بەرژەوەندییە باڵاکانی گەلی کوردستاندا بووە و لە مێژووی پڕ شکۆی تەمەنیدا خزمەتێکی زۆری کردووە و خاوەنی خەرمانێک دەستکەوتی ئەدەبی و ڕوناکبیرییە.

لەم ساڵیادەدا بەگرنگییەوە لە مێژووی درەوشاوەتان دەڕوانین و جێ پەنجەتان دیار و بەرچاوە لە گۆڕەپانی تێکۆشانی ئەدەبی و ڕوناکبیری و گەشەپێدانی زمانی کوردیدا. 

قوباد تاڵەبانی 
سەرپەرشتیاری مەکتەبی سکرتارییەتی سەرۆک مام جەلال

PUKMEDIA