دامەزراوەی سەرۆک جەلال تاڵەبانی چەند چالاکییەکی زانستی ئەنجام دەدات

پەڕەی تایبەتی دامەزراوەی سەرۆک جەلال تاڵەبانی

سەرۆکی دامەزراوەی سەرۆک جەلال تاڵەبانی و سەرۆکی زانکۆی سلێمانی

سەرۆکی دامەزراوەی سەرۆک جەلال تاڵەبانی سەردانی سەرۆکایەتی زانکۆی سلێمانی کرد و لەو دیدارەدا باس لە چەند چالاکییەکی زانستی و یاداشتی لێکتێگەیشتن لە نێوان دامەزراوەکە و زانکۆی سلێمانی کرا.

رۆژی یەکشەممە ١٢ی ٢ی ٢٠٢٣، باڵیۆز د. محەمەد سابیر سەرۆکی دامەزراوەی سەرۆک جەلال تاڵەبانی بە یاوەری وەفدێکی دامەزراوە سەردانی سەرۆکایەتیی زانکۆی سلێمانی کرد و لەلایەن پڕۆفیسۆر د. کۆسار محەمەد سەرۆکی زانکۆ و ئەندامانی ئەنجومەنی زانکۆی سلێمانی پێشوازی لێکرا.

لە دیدارێکدا، د. محەمەد سابیر، باسی لە گرنگی و رۆڵی زانکۆی سلێمانی کرد، وتی: "بەرنامە و پلانی دامەزراوەیە لەگەڵ زانکۆی سلێمانی و زانکۆکانی تر؛ کار بۆ بەهێزکردنی بواری زانستی بکەین و لەڕێگەی بۆردی زانستیی دامەزراوەوە لە ئاییندەیەکی نزیکدا چەند چالاکییەکی زانستی لەگەڵ زانکۆکان رێکبخرێت بە ئاراستەی برەودان بە ئاستی زانستی و خزمەتکردنی کۆمەڵگە".

سەرۆکی دامەزراوەی سەرۆک جەلال تاڵەبانی ئاماژەی بەوەشکرد: "دەیانەوێت لە ئاییندەیەکی نزیکدا یاداشتی لێکتێگەیشتن لەنێوان دامەزراوەوی سەرۆک جەلال تاڵەبانی و زانکۆی سلێمانی ئیمزا بکرێت".

سەرۆکی زانکۆی سلێمانیش وێرای خۆشحاڵی رایگەیاند: "چاویان لەوەیە کە چالاکیی هاوبەشیی زانستی لەگەڵ دامەزراوە ئەنجام بدەن بەئاراستەی زیاتر خزمەتکردنی فکرو دیدی سەرۆک مام جەلال لەڕێگەی لێکۆڵینەوەی زانستی لە رەهەندە جیاوازەکانی خەباتی سەرۆک مام جەلال".

PUKMEDIA