سەرۆک بافڵ و نوری مالکی: دەستەبەركردنی ژیانێكی شایستە و سەقامگیر بۆ هاووڵاتیان

نوسینگەی رۆژنامەوانی بافڵ جەلال تاڵەبانی

کۆبوونەوەی سەرۆک بافڵ و نوری مالکی

بافڵ جەلال تاڵەبانی، سەرۆکی یەکێتیی نیشتمانیی کوردستان ‎لە بەغدا چاویکەوت بە نوری مالكی، سەرۆکی ھاوپەیمانیی دەوڵەتی یاسا.

لە دیدارێكدا کە خالید شوانی، ئەندامی مەکتەبی سیاسی ئامادەیبوو، دۆخی گشتیی وڵات و رێكارەكانی ئەمدواییەی حكومەت بۆ باشتركردنی گوزەرانی خەڵك و بەهێزتركردنی ژێرخانی ئابووری وڵات تاوتوێكران و جەخت لە جێبەجێكردن و پشتیوانی بەرنامەی حكومەت كرایەوە لەپێناو دەستەبەركردنی ژیانێكی شایستە و سەقامگیر بۆ هاوڵاتیان بەبێ جیاوازی.

‌‎كێشەكانی نێوان هەرێم و بەغدا و بەردەوامی گفتوگۆكان لەپێناو گەیشتن بە چارەسەرێكی هەمەلایەنە و كۆتاییهێنان بە ناكۆكییەكان تەوەرێكی تری گفتوگۆكان بوو، هەردوولا پێویستی گفتوگۆكان و پشتیوانی هەموو هێز و لایەنەكانیان دووپاتكردەوە لەپێناو گەیشتن بە ئەنجامێكی ئەرێنی و دەستپێكردنی قۆناغێكی نوێی سیاسی تاوەكو هەمووان پێكەوە وڵات بە ئاڕاستەی سەقامگیری و خۆشگوزەرانی ئاڕاستە بكەن.

PUKMEDIA