پەرلەمانتارێکی یەکێتی: لە فڕۆکەخانەی سلێمانیش دۆلار بەنرخی رەسمی دەدرێت بەگەشتیاران

راگەیاندنی فرۆکەخانەی سلێمانی

فرۆکەخانەی نێودەوڵەتی سلێمانی

لەدوای وەرگرتنی رەزامەندی بانکی ناوەندی بۆ فرۆشتنی دۆلار بە نرخی رەسمی بە گەشتیاران بۆ دەرەوەی وڵات لە فڕۆکەخانەی نێودەوڵەتی سلێمانی و هەولێر بڕیارەکە لە فڕۆکەخانەی هەردوو شارەکە چووە بواری جێبەجێکرنەوە.

لەوبارەیەوە د.نەرمین مەعروف ئەندامی لیژنەی دارایی لە ئەنجومەنی نوێنەران بە سایتی رەسمی یەکێتیی نیشتمانیی کوردستان PUKMEDIA ی راگەیاند:"خۆشبەختانە رێکارەکانی فرۆشتنی دۆلار لە فرۆکەخانەی سلێمانی و هەولێر تەواوکرا و گەشتیارانی دەتوانن لەرێگەی لقی سلێمانی و هەولێری RTی بانکەوە بەپێی مەرجەکانی بانکی ناوەندی تا بڕی 7 هەزار دۆلار بەنرخی 1320 دینار بۆ هەر دۆلارێک سوودمەندبن لەم کارئاسانییە."

 دەشڵێت:" بێگومان ئەم بڕیارە کاریگەرییەکی گرنگی لەسەر نرخی دۆلار و دابینکردنی بەشێک لە داخوازی هاولاتیان بۆ کڕینی دۆلار دەبيت".

ئەندامەکەی لیژنەی دارایی لە ئەنجومەنی نوێنەران ئەوەشی خستەڕوو:" ئەم بڕیارە جگە لە هەردوو فڕۆکەخانەی سلێمانی و هەولێر لە دەروازەی ئیبراهیم خەلیل-یش جێبەجێدەکرێت" .

PUKMEDIA