وەفدێکی کۆماری چین سەردانی مەزاری سەرۆک مام جەلال دەکات

PUKMEDIA

سەردانی وەفدێکی كۆمارى میللی چين بۆ سەر مەزاری سەرۆک مام جەلال

وەفدێکی كۆمارى میللی چين به‌ سه‌رۆكايه‌تی یاریدەدەری وەزیر لە فه‌رمانگه‌ى په‌يوه‌ندييه‌كانى ده‌ره‌وه‌ى کۆمیتەی ‏ناوەنديی پارتى كۆمۆنيستى چین و بە هاوڕێیەتی باڵیۆزی چین لە عیراق و کونسوڵی چین لە هەرێم و ژمارەیەک لێپرسراو و راوێژکاری حزبی کۆمۆنیستی چین سەردانی مەزاری سەرۆک مام جەلال یان کرد.

وەفدێکی كۆمارى میللی چين به‌ سه‌رۆكايه‌تی ژوو ‏رووى، یاریدەدەری وەزیر لە فه‌رمانگه‌ى په‌يوه‌ندييه‌كانى ده‌ره‌وه‌ى کۆمیتەی ‏ناوەنديی پارتى كۆمۆنيستى چین بە هاوڕێیەتی چوو وەی، باڵیۆزی چین لە عیراق و لیو زین یونگ، کونسوڵی چین لە هەرێم و ژمارەیەک لێپرسراو و راوێژکاری حزبی کۆمۆنیستی چین سەردانی مەزاری سەرۆک مام جەلال یان کرد و لەلایەن باڵیۆز د. محەمەد سابیر سەرۆكی دامەزراوەی سەرۆك جەلال تاڵەبانی پێشوازیکران.

لەمیانی سەردانەکەدا وەفدی میوان تاجە گوڵینەی رێزو وەفایان لەسەر مەزاری سەرۆک مام جەلال داناو بەرێزەوە لەسەر رۆڵ و پێگەی مێژووی مام یاداشتەکانیان تۆمارکرد.
PUKMEDIA