ئەنجومەنی باڵای دادوەری عیراق: بافڵ جەلال تاڵەبانی سەرۆکی یەکێتیە

PUKMEDIA

بڕیاری ئەنجومەنی باڵای دادوەری عیراق

ئەمرۆ ئەنجومەنی باڵای دادوەری عیراق بڕیاری کۆتایی لەبارەی پۆستی سەرۆکی یەکێتیی نیشتمانیی کوردستان دەرکرد و بڕیارەکە لە بەرژەوەندی یەکێتی و سەرۆک بافڵ جەلال تاڵەبانی دەرچووە.

تیمی پارێزەرانی سەرۆک بافڵ جەلال تاڵەبانی رایانگەیاند: "ئەمرۆ ئەنجومەنی باڵای دادوەری عیراق، دەستەی دادوەرانی هەڵبژاردن بڕیاری کۆتایی لە بارەی دۆسیەکەی ( لاهور جەنگی) دەرکرد بەوەی سەرۆک بافڵ، سەرۆکی یەکێتیی نیشتمانیی کوردستانە و تەواوی رێکارەکان یاسایین".

ئاماژە بەوەش کراوە: "بڕیارەکە لە بەرژەوەندی یەکێتیی نیشتمانیی کوردستان و سەرۆک بافڵ جەلال تاڵەبانی دەرچووە و بڕیارەکە بە هیچ جۆرێک شیاوی تانە لێدان نیە".
PUKMEDIA