یەکێتیی لەپێناو مافەکانی خەڵک و حوکمڕانییەکی تەندروست هەموو هەنگاوێک دەگرێتەبەر

PUKMEDIA

دەرباز كۆسرەت رەسوڵ و قوباد تاڵەبانی

ئەمڕۆ 22-2-2023، لە بارەگای مەكتەبی سیاسی لە شاری هەولێر، دەرباز كۆسرەت رەسوڵ كارگێڕی مەكتەبی سیاسی و قوباد تاڵەبانی سەرپەرشتیاری مەكتەبی سكرتاریەتی سەرۆك مام جەلال لەگەڵ بۆردی حكومەت و پەرلەمان كۆبوونەوە.

لە كۆبوونەوەكەدا كە ژمارەیەك لە هەڤاڵانی سەركردایەتی و وەزیرەكانی یەكێتی ئامادەی بوون، هەڤاڵان دەرباز كۆسرەت رەسوڵ و قوباد تاڵەبانی كورتەیەكیان لەبارەی دوایین گۆڕانكاری و پێشهاتەكان، هەڵوێست و هەنگاوەكانی یەكێتی بۆ ئامادەبووان خستەڕوو و جەختیان لەوە كردەوە كە یەكێتیی لەپێناو مافەكانی خەڵك و حوكمڕانییەكی تەندروست هەموو هەنگاوێك دەگرێتەبەر.

كۆبوونەوە بە گفتوگۆی هەڤاڵانەی بەشداربووان و هەڵسەنگاندنی سەرجەم ئەگەرو پێشهاتەكان كۆتایی هات، هەمووان هاوڕابوون كە یەكێتییەكی یەكدەست و یەكگوتار دەتوانێت بەرەنگاری هەموو ئاڵنگارییەكان ببێتەوە و زاڵ بێت بەسەر كێشەو گرفتەكان و هەنگاو بنێت بۆ كۆتایی هێنان بە قۆرخكارییەكان.

PUKMEDIA