سەركەوت زەكی: كاكەییەكان جێی بایەخی یەكێتین

راگەیاندنی مەكتەبی رێكخستن

سەركەوت زەكی پێشوازی لە ژمارەیەك لە كاكەییەكان كرد

ئەمڕۆ چوار شەممە سەركەوت زەكی سەرپەرشتیاری مەڵبەندی خانەقین لەبارەگای مەڵبەند پێشوازی لە ژمارەیەك لە خزمانی كاكەی لەخانەقین كرد و لە دیدارێكدا كەژمارەیەك لەئەندامانی مەكتەبی رێكخستن و هەڤاڵانی مەڵبەند ئامادەی بوون سەركەوت زەكی باسی لەڕۆڵ و كاریگەری كاكەییەكان لەبزوتنەوەری رزگاری خوازی گەلەكەمان كرد بەتایبەتی دوای سەرهەڵدانی شۆڕشی نوێی بەڕابەرایەتی سەرۆك مام جەلال، كە قوربانییەكی زۆریان بەخشیوە بۆیە لای یەكێتیی نیشمانیی كوردستان جێی بایەخ و گرنگی پێدانن.

دواتر باسی لەوەكرد پێكهاتەكان بەگشتی لە خانەقین لای یەكێتی گرنگی خۆیان هەیە و یەكێتیی نیشتمانیی كوردستان  لە خانەقین سیاسەتی چەپكە گوڵەكە پەیڕەو دەكات و هەمیشە خەمخۆری خەڵكەكەیەتی هەمیشەش پشتیوانی لەكاكەییەكان دەكات لەبەرامبەردا خزمانی كاكەیی تەئكیدیان لەسەر پشتیوانی یەكێتیی نیشتمانیی كوردستان و سەرۆك بافڵ جەلال تاڵەبانی كردەوە.

PUKMEDIA