لێپرسراوی نوێ بۆ مەڵبەندی خانەقین دانرا

PUKMEDIA

شێركۆ محەمەد ساڵح

لێپرسراوێكی نوێ بۆ مەڵبەندی 8ی خانەقینی یەكێتیی نیشتمانیی كوردستان دانرا و بڕیارەكەش لەلایەن كارگێڕی مەكتەبی سیاسیی-ەوە دەرچووە.

بەگوێرەی كۆپییەكی بڕیارەكەی كارگێڕی مەكتەبی سیاسیی كە وێنەیەكی بۆ سایتی رەسمی یەكێتیی نیشتمانیی كوردستان PUKMEDIA نێردراوە " هەڤاڵ شێركۆ محەمەد ساڵح ، ناسراو بە شێركۆ میروەیس ئەندامی سەركردایەتی بە لێپرسراوی مەڵبەندی خانەقین دانراوە و بڕیارەكەش لە 26/2/2023 لەلایەن بڕیاردەرەوە ئیمزاكراوە و جێبەجێدەكرێت.

شێركۆ میروەیس لێپرسراوی نوێی مەڵبەندی خانەقین بە PUKMEDIA راگەیاند:" یەكێتیی نیشتمانیی بایەخێكی تایبەتی بە خانەقین و ناوچە كوردستانییەكان دەدات و ئەوەش بنەمایەكی نەگۆڕە و لەم ئەركەشدا بە پشتیوانی هەڤاڵان  بەو بنەمایە خزمەت بە خانەقین و ناوچە كوردستانییەكان دەكەین".

"یەكێتی كاری جدیی دەكات بۆ ئاوڕدانەوە لە خانەقین و سەعدیە و جەلەولا و قەرەتەپە و ناوچەكانی دیكە و هەوڵی تەواویش دەدەین چارەسەری كێشە ئیداریی و سیاسییەكانی ناوچەكە بکەین لە ناوەندەكانی بڕیاردان لەسەر ئاستی حزبی و حكومەت". شێركۆ میروەیش وایوت.

PUKMEDIA