سه‌رچاوه‌یه‌ك: ئه‌ندامه‌كه‌ی پارتی كرێكاران له‌سلێمانی نه‌بووه‌

PUKMEDIA

سلێمانی

ده‌نگۆی ده‌ستگیركردنی ئه‌ندامێكی پارتی كرێكارانی كوردستان له‌سلێمانی له‌لایه‌ن میتی توركیاوه‌ ره‌تده‌كرێته‌وه‌.

سه‌رچاوه‌یه‌كی باڵای پارتی كرێكارانی كوردستان (په‌كه‌كه‌) بۆ شارپرێس ئاشكرایكرد، "ئه‌وكه‌سه‌ی میتی توركیا باسیده‌كات گوایه‌ له‌سلێمانی ده‌ستگیریان كردوه‌ درۆیه‌، چونكه‌ ئه‌وكه‌سه‌ له‌ساڵی 2020 له‌زاب هه‌ڵاتوه‌و خۆی ته‌سلیمی پارتی كردوه‌".

سه‌رچاوه‌كه‌ وتیشی: "ئه‌و كه‌سه‌ له‌دهۆكیش ده‌ژیاو ‌ماڵ‌ و ژیانی خۆی هه‌یه‌، دوو مانگیش له‌مه‌وبه‌ر بۆخۆی چوه‌ته‌ توركیاو خۆی ته‌سلیمی توركیا كردۆته‌وه‌".

ئه‌مه‌ش له‌كاتێكدایه‌، چه‌ند په‌یج و ئه‌كاوه‌نتێكی نزیك له‌ پارتی دیموكراتی كوردستان ده‌نگۆی ئه‌وه‌یان بڵاوكرده‌وه‌ گوایه‌، ئه‌ندامێكی پارتی كرێكارانی كوردستان له‌لایه‌ن میتی توركیاوه‌ له‌سلێمانی ده‌ستگیركراوه‌و راده‌ستی توركیا كراوه‌ته‌وه‌، به‌ڵام سه‌رچاوه‌یه‌كی باڵا له‌پارتی كرێكارانی كوردستان ئه‌و ده‌نگۆیه‌ی ره‌تده‌كاته‌وه‌و ئاماژه‌ بۆ ئه‌وه‌ده‌كات پێشتر ئه‌و ئه‌ندامه‌یان خۆی راده‌ستی پارتی كردوه‌.
PUKMEDIA