سەرۆک بافڵ: پێکهاتەکان نوێنەرایەتی راستەقینەی خۆیان بكەن

نوسینگەی ڕاگەیاندنی سەرۆکی یەکێتی

سەرۆک بافڵ و ڕایان کلدانی

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە رەییان کلدانی، ئەمینداری گشتیی بزووتنەوەی بابلیون کرد.

لە دیدارێکدا دوایین گۆڕانکارییە سیاسییەکانی عیراق و هەرێم تاوتوێکران و جەخت لە هەماهەنگی و كاری هاوبەش كرایەوە لەپێناو سەرخستنی پرۆسەی سیاسی لە وڵاتدا.

سەرۆك بافڵ جەلال تاڵەبانی ئاماژەی بە گرنگی و بەردەوامی گفتوگۆكان كرد لەپێناو چارەسەركردنی كێشەكان و كاركردن لەپێناو بووژاندنەوەی وڵات لە هەموو بوارە جیاوازەكان و وتی، دەبێت دەستوور بنەمای چارەسەركردنی كێشەكان بێت و هەمووان بە ئاڕاستەی تێپەڕاندنی بەربەستەكان كار بكەین. بەرپرسیارێتی نەتەوەیی و مێژوویی ئێمەیە ژیانێكی سەقامگیر بۆ هاوڵاتیانمان دەستەبەر بكەین.

سەبارەت بە پرسی هەڵبژاردن لە هەرێم و پاراستنی مافی پێكهاتەكان، هەردوولا هاوڕابوون هەموو پێكهاتەكان نوێنەرایەتی راستەقینەی خۆیان بكەن و رێگەنەدرێت هیچ لایەنێك لەجیاتی ئەوان بڕیار بدات.

PUKMEDIA