جەماوەرێتی یەكێتی نەیارانی شۆك دەكات

PUKMEDIA

كۆبوونەوە جەماوەرییەكەی یەكێتی لە دەروازەی راپەڕین

كۆبوونەوە جەماوەرییەكانی یەكێتیی نیشتمانیی كوردستان نەیارانی توشی شۆك و دۆستانی خۆشحاڵ كردووە، هەڵوێستەكانی یەكێتیی نیشتمانیی كوردستان هەمووكات لەگەڵ بۆچوونەكانی كۆمەڵانی خەڵكی كوردستاندا بووە و ئەمەش وایكردووە لەمەڕاسیمەكاندا خەڵكێكی زۆر بۆ پشتیوانی یەكێتی كۆببنەوە.

ئەو پشتیوانییە گەورەی ئەمڕۆ لەیادی راپەڕیندا لە رانیە بۆ سەرۆك بافڵ دەربڕدرا، ئەوە دەسەلمێنێت كە یەكێتی رێگە راستەكەی گرتووە و كۆمەڵانی خەڵكی كوردستانیش پشتیوانی لێدەكەن.

عەبدولناسر ئەحمەد ئەندامی پەرلەمانی كوردستان بەسایتی رەسمی یەكێتیی نیشتمانیی كوردستان PUKMEDIA ی راگەیاند: "پێشوازی كۆمەڵانی خەڵكی كوردستان لەهەڵوێستەكانی یەكێتی و سەرۆكەكەی وایكردووە لەهەرشێونێك كۆبوونەوە و مەراسیم لەلایەن یەكێتییەوە هەبێت، خەڵك لەوشوێنەبێت و پشتیوانی یەكێتی بكەن".

"یەكێتیی نیشتمانیی كوردستان هەر لەسەرەتای دامەزراندنییەوە پشت و پەنای داخوازییەكانی كۆمەڵانی خەڵكی كوردستان بووەو لەو پێناوەشدا قوربانی زۆریداوە، بۆیە ئێستاش بەهەمان رۆحيیەتەوە خزمەتی خەڵكی كردووەتە ئەولەویەتی كارەكانی و هەرئەمەشە كە خەڵك بەحزبی شەهیدان و حزبی خۆیی بیزانێت" ناسر ئەحمەد وایوت.

"نەیارەكانی یەكێتی بەهەموو كۆبوونەوەیەك و پشتیوانی یەكێتی توشی شۆك دەبن و نایانەوێت بڕوا بەوە بكەن كە یەكێتی حزبی خەڵكەو بۆ خەڵكە، بۆیە هەرجارێك یەكێتی كۆبوونەوەیەك ئەنجامدەدات، نەیارەكانی چاویان بەو پشتیوانییە گەورەیەی خەڵك بۆ یەكێتی هەڵنایەت و بیانوی بۆ دەهێننەوە".

ئەمڕۆ بافڵ جەلال تاڵەبانی سەرۆكی یەكێتیی نیشتمانیی كوردستان لە مەراسیمێكی جەماوەری فراواندا وتارێكی لە سالێدی راپەرینە مەزنەكەی گەلی كوردستان لە دەروازەی راپەرین پێشكەشكردو هەرزوو ئەو كۆبوونەوە گەورە جەماوەرییە نەیارانی یەكێتی توشی شۆك كردو كەوتنە بوختان بەخشینەوە.

PUKMEDIA