مەکتەبی سیاسی: یەکێتی باوەڕی بەبەشداری ژنان لە ناوەندەکانی بڕیارداندا هەیە

PUKMEDIA

8ی مارس

مەکتەبی سیاسی یەکێتیی نیشتمانیی کوردستان لە 8ی مارسدا پیرۆزبایی لە ژنان دەکات و دەڵێت: "یەکێتی هەمیشە بڕوای نەگۆڕی بەهاتنە مەیدانی ژنان و بەشداری کاراییان لەهەموو جومگەکانی حزبی و حوکمرانیی و ناوەندەکانی بریاردا هەبوە".

دەقی پەیامی مەکتەبی سیاسی:

لە(8)ی مارس، رۆژی جیهانیی خەباتی ژنان بۆ بەدیهێنانی مافەکانیان و چەسپاندنی زیاتری  یەکسانی و دادپەروەری، یادی  ئەو تەوارە بەرزە فڕانە دەکەینەوە کە خەباتیان بۆ وەدیهاتنی مافەکانی ژنان کردوە و لەسەنگەری بەگژاچوونەوەی دوژمنانی ئازادی و مرۆڤایەتیدا  بونەتە پێشەنگ .

یەکێتیی نیشتیمانیی کوردستان وەک درێژە پێدەری سیاسەت و دیدی سەرۆک مام جەلال  هەمیشە بڕوای نەگۆڕی بەهاتنە مەیدانی ژنان و بەشداری کاراییان لەهەموو جومگەکانی حزبی و حوکمرانیی و ناوەندەکانی بریاردا هەبوەو بەکردەوە کاری لەسەر ئەو یاسایانە کردوە کە دەستەبەری زیاتری ماف و ئازادییەکانی ژنان دەکات .

لەم یادەبەرز وشکۆدارەدا سڵاو  دەنێرین بۆ ژنانی کوردستان و پشتیوانیمان  بۆ  تێکۆشان و خەباتە  رەواکەیان  دووپاتدەکەینەوە .

مەکتەبی سیاسیی
یەکێتیی نیشتیمانیی کوردستان
8 مارسی 2023

PUKMEDIA