سیمپۆزیۆمێك لە زانکۆی سلێمانی بەڕێوەچوو

PUKMEDIA

زانکۆی سلێمانی

كۆمسیۆنی حكومه‌ت به‌هه‌ماهه‌نگی له‌گه‌ڵ زانكۆی سلێمانی له‌هۆڵی كۆنگرێس له‌ زانكۆی سلێمانی له‌ سیمپۆزیۆمێكدا هه‌ردوو ته‌وه‌ری (شه‌فافییه‌ت له‌ داهات و لێكه‌وته‌كانی گۆڕینی به‌های دراوی عیراقی له‌سه‌ر كۆمه‌ڵگه‌ و هاووڵاتیان ) تاوتوێكرا.

د.كۆسار سه‌رۆكی زانكۆی سلێمانی وته‌یه‌كی به‌خێرهاتنی پێشكه‌ش به‌ ئاماده‌بووان كردو به‌كورتی باسێكی له‌ گرنگی سیمپۆزیۆمه‌كه‌ بۆ ئاماده‌بووان كرد.

دواتر شلێری شه‌هید غه‌فور ژاژڵه‌یی وته‌یه‌كی له‌سه‌ر ئامانج و گرنگی هه‌نگاوی شه‌فافیه‌ت و هه‌ماهه‌نگی و كاری پێكه‌وه‌یی و به‌رزنرخاندنی رۆڵی زانكۆ كرد له‌ به‌ره‌وپێشبردنی كۆمه‌ڵگه‌ و سیستمی حوكمڕانی.

پاشان هه‌ریه‌ك له‌ د. نه‌رمین معروف ئه‌ندامی ئه‌نجومه‌نی نوێنه‌رانی عیراق و د. ماكوان جمیل به‌رێوه‌به‌ری گشتی بانكی ناوه‌ندی و پرۆفیسۆر د.خالید حه‌یده‌رو م. بیلال ره‌ئوف بابه‌ته‌كانی پانێڵه‌كه‌یان به‌شێوه‌یه‌كی پوخت و زانستی تاووتوێ كردو به‌شداری و پرسیارو ڕای ئاماده‌بووان بابه‌ته‌كانی ده‌وڵه‌مه‌ندتر كرد.

له‌كۆتایی پانێله‌كه‌دا سوپاسنامه‌و ڕێزلێنانی كۆمسیۆنی حكومه‌ت و ئه‌نجومه‌نه‌ هه‌ڵبژێردراوه‌كان پێشكه‌ش به‌ هه‌ریه‌ك له‌سه‌رۆكی زانكۆی سلێمانی و به‌رێوه‌به‌ر و به‌شداربوانی سیمپۆزیۆمه‌كه‌ و كه‌ناڵه‌كانی كوردسات و گه‌لی كوردستان كرا .

ئاماده‌بوانی سیمپۆزیۆمه‌كه‌ پێكهاتبوون له‌ دكتۆر محه‌مه‌د سابیر سه‌رۆكی دامه‌زراوه‌ی سه‌رۆك جه‌لال تاڵەبانی، مامۆستا مه‌حمود قه‌ره‌داغی و ئاوات محه‌مه‌د ئه‌ندامانی سه‌ركردایه‌تی و ئازاد تۆفیق پارێزگاری هه‌ڵه‌بجه‌ و سه‌رۆكی ئیداره‌ سه‌ربه‌خۆكانی ڕاپه‌رین و گه‌رمیان و هیوا قه‌ره‌نی و شێخ جه‌لال و قائیمقام و به‌ڕێوه‌به‌ری ناحیه‌و سه‌رۆك شاره‌وانییه‌كانی سنوری پارێزگاكانی سلێمانی و هه‌ڵه‌بجه‌ و ئیداره‌ سه‌ربه‌خۆكانی ڕاپه‌رین و گه‌رمیان.
PUKMEDIA